تاياۋدا جارىق كورگەن «جوشى حان» تاريحي رومانى الماتىداعى وقىرماندارىمەن قاۋىشتى دەپ حابارلايدى Almaty-aqshamy.kz. بۇگىن الماتىدا باستالعان Qazaq Book Fair كىتاپ كورمە-جارمەڭكەسىندە اتالعان كىتاپتىڭ تانىستىرىلىمى ءوتتى.
اقىن ءارى جازۋشى ۇلاربەك دالەيدىڭ جوشى حانعا قاتىستى كولەمدى ادەبي شىعارماسى جارىق كورگەلى بەرى وقىرمانداردىڭ قىزۋشىلىعىن وياتقانى ءمالىم. بۇگىن ق ر ۇلتتىق كىتاپحاناسىندا وتكەن شاراعا الىس-جۋىقتان كەلگەن وقىرمان زالدى لىق تولتىردى.
شاراعا الماتىداعى جانە ءار وڭىردەن كەلگەن قالامگەرلەر، زيالى قاۋىم وكىلدەرى مەن ب ا ق وكىلدەرى، كوپشىلىك وقىرمان قاتىستى. ولار شىعارمانىڭ كوتەرگەن اۋقىمدى تاريحي تاقىرىبى، كوركەمدىك ەرەكشەلىگى مەن ءتىل قولدانىسى تۋراسىندا پىكىرلەرىن ورتاعا سالدى. ءارى ادەبيەتىمىزدەگى كوپتەن بەرى اقساپ كەلە جاتقان كەڭ تاقىرىپقا قالام تەربەگەن اۆتورعا العىستارىن ءبىلدىردى.
«جوشى حان» تاريحي رومانىن قازاق ادەبيەتىندەگى تىڭ تاقىرىپ رەتىندە اتاۋعا بولادى. اتالعان ايبىندى تاريحي تۇلعاعا قاتىستى بۇعان دەيىن زاردىحان قينايات ۇلى سىندى عالىمداردى عىلىمي-زەرتتەۋ ەڭبەكتەرى بولماسا، كولەمدى ادەبي ەڭبەك جازىلعان ەمەس. كوپتەگەن وقىرماندار ءۇشىن دە جاڭا تۋىندى وسى قىرىنان قىزىقتىرادى.
كىتاپتىڭ تانىستىرىلىمىنان كەيىن اۆتورمەن تىلدەسۋگە مۇرسات الدىق. «جوشى حان» شىعارماسىنىڭ جازىلۋىنداعى ماقساتى مەن ناتيجەسى تۋرالى ۇ.دالەي ۇلى مىناداي پىكىرىن ءبولىستى:
«جوشى ۇلىسىنا دەيىن دە وسى دالا ءبىزدىڭ بابالاردىڭ مەكەنى بولعانى داۋسىز. ءبىراق، ءبىزدىڭ قازىرگى تەرريتوريامىزدىڭ ءبىر مەملەكەتتىڭ نەگىزىنە بىرىگۋىندە ىرگە تاسىن قالاعان جوشى حان. بۇل تۇرعى دا ونىڭ تاريحي ەڭبەگى وتە زور. وعان قوسا جوشى حان تۋرالى بۇعان دەيىن بۇرمالانعان دەرەكتەر، الىپ-قاشپا پىكىرلەر دە كوپ. ءبىراق سوعان قارسى جۇيەلى عىلىمي ەڭبەكتەر از، ال ادەبي شىعارمالار مۇلدە جوق بولدى. مىنە وسىدان ءوز مەملەكەتتىلىگىمىزدىڭ و باسىنداعى تۇلعا ءوزىمىز ءۇشىن «جۇمباق تۇلعاعا» اينالدى. مىنە وسى ءبىر بوستىقتى تولتىرايىق دەگەن ماقساتتا وسى ەڭبەكتى جازىپ شىقتىق»، – دەيدى اۆتور.
«جوشى حان» تاريحي رومانى مەن كىتاپتىڭ تانىستىرىلىمى جايىندا تولىعىراق «الماتى اقشامى» گازەتىنىڭ الداعى سانىنان وقي الاسىزدار.
بۇگىنگى تانىستىرىلىمعا قاتىسا الماعان وقىرماندار بولسا، ايتا كەتەلىك، Qazaq Book Fair كىتاپ كورمە-جارمەڭكەسى ۇلتتىق كىتاپحانادا 3 كۇن بويى جالعاسادى. جارمەڭكە اياسىندا وزگە دە اۆتورلاردىڭ ەڭبەكتەرى جۇرتقا تانىستىرىلاتىن بولادى.