كەزدەسۋ بارىسىندا پرەزيدەنت قاسىم-جومارت توقايەۆ پەن گەرمانيا ەكونوميكاسى شىعىس كوميتەتىنىڭ باسقارما ءتوراعاسى جانە CLAAS Group كومپانياسى بايقاۋشىلار كەڭەسىنىڭ ءتوراعاسى كاترينا كلااس-ميۋلحويزەر ەكىجاقتى ەكونوميكالىق ىنتىماقتاستىقتى ودان ءارى نىعايتۋ پەرسپەكتيۆاسىن تالقىلادى، دەپ حابارلايدى Almaty-akshamy.kz اقوردانىڭ رەسمي سايتىنا سىلتەمە جاساپ.
مەملەكەت باسشىسىنىڭ ايتۋىنشا، گەرمانيا قازاقستاننىڭ ەۋروپا وداعىنداعى ستراتەگيالىق سەرىكتەسى سانالادى. ساۋدا-ەكونوميكالىق قاتىناستار قارقىندى دامىپ كەلەدى. سونداي-اق نەمىس بيزنەسى قازاقستانداعى ۇلەسىن كەڭەيتۋگە قىزىعۋشىلىق تانىتىپ وتىر.
پرەزيدەنت بىلتىر قازاقستانعا گەرمانيادان تارتىلعان تىكەلەي ينۆەستيسيا كولەمى 64 پايىزعا ءوسىپ، 770 ميلليون دوللارعا جەتكەنىن اتاپ ءوتتى. بۇل – رەكوردتىق كورسەتكىش.
كەزدەسۋدە اۋىل شارۋاشىلىعى سالاسىنداعى ىنتىماقتاستىق ماسەلەسىنە دە ەرەكشە نازار اۋدارىلدى. وسى ورايدا قاسىم-جومارت توقايەۆ بۇعان دەيىن ورنىقتى ەگىنشىلىكتىڭ ايماقتىق ورتالىعىن قۇرۋ جونىندە ۇسىنىس ايتقانىن ەسكە سالدى. پرەزيدەنتتىڭ پىكىرىنشە، بۇل ورتالىق ەلىمىزدىڭ اۋىل شارۋاشىلىعى الەۋەتىن بارىنشا تولىق پايدالانۋعا، يننوۆاسيالىق تەحنولوگيالاردى ەنگىزۋگە جانە ولاردى كوممەرسيالاندىرۋعا ىقپال ەتەدى.
بۇدان بولەك، مەملەكەت باسشىسى قازاقستاننىڭ اگرارلىق الەۋەتىن دامىتۋعا CLAAS زاۋىتىنىڭ قوسقان ۇلەسىن جوعارى باعالادى.