بەلگىلى بولعانداي، جەرگىلىكتى تۇرعىن 2 جىل بويى جولسەرىكتى قورقىتۋ ارقىلى اقشا الىپ وتىرعان.
سەمەيدەن قاتىنايتىن جولاۋشىلار پويىزىنا ءمىنىپ، قىزمەتكەرلەردى ماسقارالايتىن ۆيدەو تۇسىرگەن. ءوزىن بلوگەر جانە قوعام بەلسەندىسى رەتىندە تانىستىرىپ، الەۋمەتتىك جەلىگە جاريالايمىن دەپ قورقىتقان. سوسىن تەمىرجول قىزمەتكەرلەرى قورىققاندىقتان اقشا بەرىپ كەلگەن، دەپ حابارلايدى اlmaty-akshamy.kz.
وسىلايشا، بلوگەر ەكى جىل ىشىندە 10 ميلليون تەڭگەدەن استام اقشا العان. بوپسالاۋشىنىڭ بۇل ارەكەتىنەن 25 جولسەرىك زارداپ شەككەن.
"قىلمىستىق كودەكستىڭ 58 بابى 3-بولىگى بويىنشا جەڭىل جازانى اۋىر جازاعا اۋىستىرىپ، 3،6 ايعا باس بوستاندىعىنان ايىرۋ جازاسى تاعايىندالسىن. جازاسىن قىلمىستىق اتقارۋ جۇيەسىنىڭ ورتاشا قاۋىپسىزدىك مەكەمەسىندە وتەسىن. جازا ۇكىم زاڭدى كۇشىنە ەنگەن كۇننەن باستاپ ەسەپتەلسىن"، – دەدى سۋديا.