قازىرگى ۋاقىتتا اۋىل مەكتەپتەرىندەگى پەداگوگ ماماندار 400 مىڭ تەڭگەگە جۋىق جالاقى الىپ وتىر.
بۇل تۋرالى ق ر وقۋ-اعارتۋ ۆيسە ءمينيسترى عاني بەيسەمبايەۆ ايتتى، دەپ حابارلايدى Almaty-akshamy.kz.
«قازىرگى كەزدە پەداگوگتەردىڭ جالاقىسىن كوتەرۋ ماقساتىنداعى ءىس-شارالار 2020 جىلدىڭ قاڭتار ايىنان باستالدى. بۇل باعىتتاعى جۇمىستار 2023 جىلى اياقتالادى. سونىمەن قاتار اتتەستاسيادان جانە بىلىكتىلىكتى ارتتىرۋدان وتكەن ءبىزدىڭ ۇستازدار ءۇشىن قوسىمشا تولەمدەر ەسكەرىلگەن. وسى قوسىمشا تولەمدەر مەن ۇستەمەاقىنى، جالاقىنى ءوسىرۋدى ەسكەرە وتىرىپ، اۋىل مەكتەبىندەگى پەداگوگ ورتاشا ەسەپپەن 400 مىڭ تەڭگەگە تارتا الىپ وتىر»، - دەدى ع.بەيسەمبايەۆ «حابار 24» ارناسىنا بەرگەن سۇحباتىندا.
ونىڭ ايتۋىنشا، 2021 جىلدان بەرى 26 پەداگوگ العاش رەت «قازاقستاننىڭ ەڭبەك سىڭىرگەن ۇستازى» اتاعىن الدى.
«قازاقستاننىڭ ەڭبەك سىڭىرگەن ۇستازى» مەملەكەتتىك ناگراداسى مۇعالىمدەرگە ۇزدىك جەتىستىكتەرى مەن مەملەكەت الدىنداعى ەرەكشە ەڭبەگى ءۇشىن بەرىلەدى. جوعارى اتاققا يە بولعان پەداگوگ 1 000 اەك (شامامەن 3 ملن تەڭگە) مولشەرىندە ءبىرجولعى تولەم الادى.
«مۇنىمەن قوسا، مەملەكەت ۇزدىك مۇعالىمدەرگە قولداۋ كورسەتىپ كەلەدى. ۇزدىك ءمۇعالىم اتاعىن العان پەداگوگتەر 1 مىڭ اەك مولشەرىندە سىياقى الادى. وسى ورايدا مەملەكەت جاساپ وتىرعان قولايلى جاعدايدىڭ ارقاسىندا ءبىلىمدى وقۋشىلار سانى ارتانىنىنا سەنىمىمىز مول»، - دەدى ۆيسە-مينيستر ءوز سوزىندە.