بيلەت الۋعا اقشا تاپپاعان ادام ەندى بۇل ارەكەتى ءۇشىن ايىپپۇل تولەيدى.
الماتىدا بيلەتسىز ەر ادام دىتتەگەن جەرىنە پويىز ۆاگونىنىڭ شاتىرىندا جاتىپ جەتىپ الماق بولعان.
ۆيدەو الەۋمەتتىك جەلىدە تارادى. وندا ورنىنان قوزعالىپ بارا جاتقان پويىز ۆاگونىنىڭ ءبىرىنىڭ ۇستىندە ەر ادام جاتقانىن كورۋگە بولادى، دەپ حابارلايدى Almaty-akshamy.kz قازاقپاراتقا سىلتەمە جاساپ.
كولىكتەگى پوليسيا دەپارتامەنتىنىڭ باسپا ءسوز قىزمەتىنەن ءمالىم ەتكەندەي، وقيعا 24 شىلدە كۇنى ساعات 22:45-تە بولعان.
«الماتى-1» ستانسياسىنداعى كەزەكشى بولىمشەگە «الماتى-2» ستانسياسىنان «الماتى-ورال» پويىزىنىڭ ماشينيسىنەن ۆاگوننىڭ توبەسىنە شىعىپ، جاتىپ العان ەر ادامنىڭ كەسىرىنەن پويىز شۇعىل توقتاتىلعانى تۋرالى حابارلاما ءتۇستى.
«پويىز توقتاعاننان كەيىن كولىك پوليسەيلەرى قۇقىق بۇزۋشىنى اكت بويىنشا ۆاگوننىڭ توبەسىنەن ءتۇسىردى. تەكسەرۋ بارىسىندا ونىڭ باتىس قازاقستان وبلىسىنىڭ 47 جاستاعى تۇرعىنى ەكەنى انىقتالدى. جاۋاپ الۋ بارىسىندا ەر ادام بيلەت الۋعا اقشاسى جوعىن ايتىپ، پويىزدىڭ توبەسىندە ۇيىنە جەتۋدى ۇيعارعان»، - دەپ حابارلادى كولىكتەگى پوليسيا دەپارتامەنتىنىڭ باسپا ءسوز قىزمەتىنەن.
اتالعان ازاماتقا قاتىستى ق ر اقبتك-نىڭ 560-بابى بويىنشا 5 اەك كولەمىندە ايىپپۇل سالىندى.