سەناتتىڭ جالپى وتىرىسىندا مەملەكەت باسشىسىنىڭ ۇسىنىسىمەن جوعارعى سوت سۋديالارى عابيت ءالجانوۆ، روزا جاقۋدينا جانە تىنىشتىق مولداحمەتوۆا قىزمەتىنەن بوساتىلدى.
جوعارى سوت كەڭەسىنىڭ ءتوراعاسى دميتريي مالاحوۆتىڭ ايتۋىنشا، سۋديالار ءادىل سوت جۇيەسىن دامىتۋ ىسىنە ايتارلىقتاي ۇلەس قوسقان.
– مەملەكەت باسشىسى جوعارعى سوتتىڭ اتالعان سۋديالارىن وتستاۆكاعا جىبەرۋ جونىندە ۇسىنىس ەنگىزدى. عابيت ءومىرحانوۆيچ، روزا قايروللا قىزى جانە تىنىشتىق ءامىر قىزى شامامەن 30 جىل بويى سوت جۇيەسىندە قىزمەت ەتىپ، ءمىنسىز بەدەلىمەن جانە جوعارى كاسىبي بىلىكتىلىگىمەن تانىلعان. ولار سوت تورەلىگىنە ادال قىزمەت ەتىپ، سالانىڭ دامۋىنا ەلەۋلى ۇلەس قوستى، – دەدى د.مالاحوۆ.
دەپۋتاتتار ۇسىنىستى ءبىراۋىزدان قولدادى.