جوعارعى سوتتىڭ قىلمىستىق ىستەر جونىندەگى سوت القاسىنىڭ ءتوراعاسى نازگۇل راحمەتۋللينا ۇلتتىق قاۋىپسىزدىك كوميتەتى ءتوراعاسىنىڭ بۇرىنعى ورىنباسارى سامات ءابىشتىڭ 8 جىلعا شارتتى تۇردە سوتتالۋى قانشالىقتى زاڭدى دەگەن سۇراققا جاۋاپ بەردى، دەپ حابارلايدى اlmaty-akshamy.kz.
راحمەتۋللينانىڭ ايتۋىنشا، شارتتى تۇردە سوتتاۋ تاجىريبەسى قازاقستاندا ءجيى قولدانىلادى. ول اسىرەسە اسا اۋىر قىلمىستارعا جاتپايتىن ىستەردە كەڭىنەن پايدالانىلادى. الايدا، سىبايلاس جەمقورلىق قىلمىستارى ءۇشىن شارتتى جازا قولدانىلمايدى.
"شارتتى جازا ءجيى قولدانىلادى. ول اسا اۋىر قىلمىستار ءۇشىن قولدانىلمايدى، ەگەر جازالاۋ مەرزىمى 12 جىلدان اسقان بولسا، سىبايلاس جەمقورلىق قىلمىستارى ءۇشىن قولدانىلمايدى. ادامنىڭ بۇرىن سوتتى بولعان-سوتتالماعانى، ونىڭ مىنەز-قۇلقى قانداي، سوتتىلىعى بار-جوعى ەسكەرىلەدى. قىلمىس جاساۋ كەزىندە كەلتىرىلگەن زياننىڭ ورنىن تولتىردى دەگەن شارتتى جازا وتە ءجيى قولدانىلادى، ناقتى سيفردى ءقازىر ايتا المايمىن»، - دەدى نازگۇل راحمەتۋللينا.
سونىمەن قاتار، قىلمىستىق كودەكستىڭ 63-بابىندا شارتتى تۇردە جازا قولدانىلمايتىن قىلمىستاردىڭ ءتىزىمى بار ەكەنىن اتاپ ءوتتى.
"شارتتى تۇردە سوتتاۋدى قولدانۋعا نەگىز بار ما، جوق پا، ەگەر وعان تىيىم سالىنباسا، سوت جەكەلەي شەشىم قابىلدايدى"، - دەپ ءتۇسىندىردى سوت القاسىنىڭ ءتوراعاسى.
بۇل تۇسىنىكتەمەلەر بويىنشا، سامات ءابىشتىڭ 8 جىلعا شارتتى تۇردە سوتتالۋى زاڭسىز ەمەس جانە بۇل شەشىم زاڭعا سايكەس قابىلدانعان.