الماتى اكىمى ەربولات دوسايەۆ دارىگەرلەردى كاسىبي مەرەكەءسى قارساڭىندا قۇتتىقتادى
الماتى اكىمى ەربولات دوسايەۆ جاڭا كورپۋسى اشىلعان قازاق كوز اۋرۋلارى عىلىمي-زەرتتەۋ ينستيتۋتىندا باردى، دەپ حابارلايدى almaty-akshamy.kz
90 جىلدىق تاريحى بار كوز اۋرۋلارى ينستيتۋتى بۇگىندە قازاقستان مەن ورتالىق ازيا وڭىرىندەگى وفتالمولوگيالىق قىزمەتتىڭ فلاگمانى سانالادى. ينستيتۋتتا جىل سايىن 250 مىڭنان استام قازاقستاندىق تەكسەرىلىپ، امبۋلاتوريالىق ەم الىپ جاتىر، 20 مىڭنان استام وتا جاسالىپ، جۇزدەگەن ناۋقاس الىس جانە جاقىن شەتەلدەردەن ەمدەلۋگە كەلەدى.
جوعارى سۇرانىس پەن جوعارى تەحنولوگيالىق جەدەل ارالاسۋعا، قولايلى جاعداي جاساۋعا دەگەن قاجەتتىلىكتى ەسكەرە وتىرىپ، ينستيتۋتتىڭ الماتىداعى وندىرىستىك بازاسىن كەڭەيتۋ تۋرالى شەشىم قابىلداندى.
مەگاپوليس باسشىسى سوڭعى ۇلگىدەگى وفتالمولوگيالىق جابدىقتارمەن جاراقتاندىرىلعان وفتالمودياگنوستيكا بولىمشەسى، كونسۋلتاتيۆتىك-وڭالتۋ بولىمشەسى، رەفراكسيالىق حيرۋرگيا بولىمشەسى، لازەرلىك حيرۋرگيا جانە ورتوكەراتولوگيا كابينەتتەرى، ناۋقاستارعا بارىنشا قولايلى جاعداي جاسالعان تاۋلىك بويى جۇمىس ىستەيتىن 30 ورىندىق ستاسيونار بولىمشەسى ورنالاسقان قازقسعزي جاڭا كورپۋسىن قاراپ شىقتى.
اسىرەسە، ەربولات دوسايەۆ بالالار مەن جاسوسپىرىمدەردە كوز اۋرۋلارىن ەرتە انىقتاۋدىڭ، سونداي-اق زاماناۋي تاسىلدەرمەن الدىن الۋ مەن ەمدەۋدىڭ ماڭىزىن اتادى.
بۇگىندە قازقسعزي ماماندارى مەكتەپتەردە بالالاردىڭ الىستان ناشار كورۋشىلىگىن ەرتە انىقتاۋ ءۇشىن سكرينينگ جۇرگىزەدى. الىسقا كوزى جەتپەۋشىلىكتىڭ دامۋىن بولدىرماۋ مەن ەمدەۋ ءۇشىن كوپ ەلدە ورتوكەراتولوگيالىق (تۇنگى) لينزا ءادىسى قولدانىلادى. الايدا قازقسعزي باس ديرەكتورى نەيليا الداشيەۆا اتاپ وتكەندەي، بىزدە ەمنىڭ بۇل ءتۇرى مامس-پەن قامتىلماعان.
قالا باسشىسى بالالاردى ەمدەۋدىڭ وسى ءتۇرىن قالالىق دەڭگەيدە ەنگىزۋ بويىنشا قولداۋ كورسەتۋ مۇمكىندىگىن قاراستىرۋدى ۇسىندى.
«قالا تۇرعىندارىنىڭ، اسىرەسە بالالاردىڭ دەنساۋلىعى مەن ءومىر ساپاسى ماڭىزدى ماسەلە، بۇل مەنىڭ جەكە باقىلاۋىمدا»، - دەدى ەربولات دوسايەۆ.
سونداي-اق، الماتى اكىمى كارديوحيرۋرگيالىق وپەراسيالىق بلوك پەن رەانيماسيا بولىمشەسىنە جاڭعىرتۋ جۇرگىزىلگەن قالالىق كارديولوگيالىق ورتالىقتىڭ قىزمەتىمەن تانىستى.
مۇندا كارديولوگيادا جاڭا تاسىلدەر ەنگىزىلگەن TAVI-ورتالىق اشىلعان. ەندى ءداستۇرلى حيرۋرگيالىق ادىستەرگە قارسى كورسەتىلىمى بار ناۋقاستار كومەك الا الادى.
قالالىق كارديوورتالىقتا بىرەگەي تەحنولوگيانىڭ ارقاسىندا پاسيەنتتەردىڭ ستاسيوناردا ورتاشا بولۋى 8،8-دەن 7،5 كۇنگە دەيىن قىسقاردى، قابىلداۋ جىلىنا 10 مىڭ پاسيەنتكە دەيىن ۇلعايدى.
ءسوز سوڭىندا ەربولات دوسايەۆ قالانىڭ مەديسينالىق قىزمەتكەرىن كەلە جاتقان كاسىبي مەرەكە - مەديسينا قىزمەتكەرلەرى كۇنىمەن قۇتتىقتادى. پاسيەنتتەر مەن دارىگەرلەر ءۇشىن زاماناۋي، قولايلى جاعداي جاساۋعا ەرەكشە كوڭىل بولىنەتىنىن ايتا كەلە، شاھار باسشىسى مەديسينا قىزمەتكەرلەرىنە ەڭبەگى ءۇشىن العىس ءبىلدىرىپ، قوعامنىڭ دەنساۋلىعى جولىندا زور جەتىستىك پەن تابىس تىلەدى.
