بۇگىن ەلىمىزدىڭ بۇرىنعى دەنساۋلىق ساقتاۋ ءمينيسترى، مەديسينا عىلىمدارىنىڭ كانديداتى، قازاقستان رەسپۋبليكاسىنىڭ ەڭبەك سىڭىرگەن قىزمەتكەرى، كسرو دەنساۋلىق ساقتاۋ ۇزدىگى، مەديسينا قىزمەتكەرلەرىنىڭ كوپتەگەن ۇرپاقتارىنىڭ تالىمگەرى تالاپقالي ءابىش ۇلى ىزمۇحامبەتوۆ قايتىس بولدى، دەپ حابارلايدى Almaty-akshamy.kz.
تالاپقالي ءابىش ۇلى كاسىبي قىزمەتىن حيرۋرگ دارىگەردەن باستادى، سودان كەيىن اۋداندىق ورتالىق اۋرۋحانانىڭ باس دارىگەرى، شىعىس قازاقستان جانە الماتى وبلىستىق دەنساۋلىق ساقتاۋ بولىمدەرى مەڭگەرۋشىسىنىڭ ورىنباسارى جانە مەڭگەرۋشىسى بولىپ جۇمىس ىستەدى. 1987-1990 جىلدارى قازاق كسر دەنساۋلىق ساقتاۋ ءمينيسترى قىزمەتىن اتقاردى.
مەديسينالىق قوعامداستىقتىڭ، كوپتەگەن ستۋدەنتتەردىڭ، ارىپتەستەردىڭ ەسىندە ول جارقىن ەرەكشە تۇلعا، ءوز ءىسىنىڭ ۇلكەن ەنتۋزياستى بولىپ قالا بەرەدى، ول ۇلتتى ساۋىقتىرۋ بويىنشا ءبىرقاتار ءىرى باستامالاردىڭ اۆتورى بولدى.
دەنساۋلىق ساقتاۋ مينيسترلىگى ۇلى دارىگەردىڭ بارلىق جاقىندارى مەن تۋىستارىنا قايعىلارىنا ورتاقتاسىپ كوڭىل ايتادى. تالاپقالي ءابىش ۇلىنىڭ باعا جەتپەس ەڭبەكتەرى، اۋقىمدى يدەيالارى قازاقستاندىقتاردىڭ كوپتەگەن ۇرپاقتارىنىڭ دەنساۋلىعى ءۇشىن قىزمەت ەتەتىن بولادى.