ولاردىڭ جالپى وندىرىستىك قۋاتى 25 مىڭ توننا بولماق.
الداعى ءتورت جىلدا جەتىسۋ وڭىرىندە 10 ءىرى جىلىجاي شارۋاشىلىعى ىسكە قوسىلادى دەپ جوسپارلانىپ وتىر. وسى ارقىلى الماتى وبلىسىندا ازىق-تۇلىك قاۋىپسىزدىگىن قامتاماسىز ەتۋ جانە ىشكى نارىقتى تولتىرۋ شارالارى كوزدەلىپ وتىر، دەپ حابارلادى Almaty-akshamy.kz.
مامانداردىڭ ايتۋىنشا، وسى ماقساتتا جىلىجايلار مەن قۇس فابريكالارىنىڭ سانى ارتىپ، ءونىم اۋقىمى كوبەيتىلەدى.
«وبلىستىق ەكونوميكا جانە بيۋدجەتتىك جوسپارلاۋ باسقارماسىنىڭ مالىمەتىنشە، كوكونىستەردى جىل بويى وندىرۋگە كوشۋ ءۇشىن 2026 جىلعا دەيىن 45 گەكتار جەردە 10 ءىرى جىلىجاي شارۋاشىلىعىن ىسكە قوسۋ جوسپارلانعان. ولاردىڭ جالپى وندىرىستىك قۋاتى 25 مىڭ توننا بولماق. بۇل كوكونىس ءوسىرۋدىڭ جالپى كولەمىن 2 ەسەگە ۇلعايىپ، 500-دەن استام جۇمىس ورنى اشۋعا مۇمكىندىك بەرەدى»، - دەلىنگەن الماتى وبلىسى اكىمىنىڭ باسپا ءسوز قىزمەتىنىڭ حابارلاماسىندا.
الماتى وبلىسى قۇس ەتىن وندىرۋدەگى باسەكەلەستىكتە باسىمدىققا يە، ياعني رەسپۋبليكا نارىعى كولەمىنىڭ 32% وبلىستىڭ ۇلەسىندە. بۇل باعىتتا يمپورت الماسۋ مىندەتى اياسىندا ەكى قۇس فابريكاسى سالىنىپ، بىرەۋىنىڭ ىرگەسى كەڭەيتىلەدى. ولاردىڭ جىلدىق جالپى قۋاتى 76 مىڭ توننا، ينۆەستيسيا كولەمى 85 ملرد تەڭگە، ال قۇرىلاتىن جۇمىس ورىندارىنىڭ سانى 1100 بولادى دەپ مەجەلەنۋدە.