جوبا مەملەكەت باسشىسىنىڭ تاپسىرماسى بويىنشا ەلدىڭ گاز ينفراقۇرىلىمىن دامىتۋ اياسىندا «QazaqGaz» ۇلتتىق كومپانياسىمەن جۇزەگە استى.
بۇگىنگى تاڭدا «قاپال»، «جانسۇگىروۆ»، «سارقان»، «قويلىق»، «قابانباي» جانە «ءۇشارال» ەلدى مەكەندەرىندە 6 اۆتوماتتاندىرىلعان گاز تاراتۋ ستانسياسىنىڭ قۇرىلىسى تولىق اياقتالدى.
بۇل گاز قۇبىرى وبلىستىڭ 134 مىڭنان استام تۇرعىنى بار 84 ەلدى مەكەنىن گازداندىرۋدىڭ نەگىزى بولادى.
ءقازىر تاراتۋ جەلىلەرىنىڭ قۇرىلىسىن سالۋعا ارنالعان جوبالىق-سمەتالىق قۇجاتتاما بويىنشا مەملەكەتتىك ساراپتامانىڭ وڭ قورىتىندىسىن الۋ كۇتىلۋدە. جەلىلەردى تارتۋ جۇمىسىن جەتىسۋ وبلىسىنىڭ اكىمدىگى اتقارادى.
اۋقىمدى جوبا جەتىسۋ وبلىسىنداعى گازداندىرۋ دەڭگەيىن ەداۋىر جاقسارتىپ، تۇرعىنداردى سەنىمدى ءارى ەكولوگيالىق تازا ەنەرگيامەن قامتاماسىز ەتۋگە مۇمكىندىك بەرەدى.
سونداي-اق، كاتارلىق سەرىكتەستەرمەن بىرلەسىپ ستراتەگيالىق ماڭىزى بار «بەينەۋ – بوزوي – شىمكەنت» گاز قۇبىرىنىڭ ەكىنشى جەلىسىنىڭ قۇرىلىسى جالعاسۋدا. جالپى، بيىل رەسپۋبليكا بويىنشا 81 جوبانى ىسكە اسىرۋ جوسپارلانىپ وتىر. سونىڭ ناتيجەسىندە 94 ەلدى مەكەننىڭ شامامەن 300 مىڭ تۇرعىنى تابيعي گازعا قول جەتكىزەدى. وسىلايشا، جىل قورىتىندىسى بويىنشا قازاقستاننىڭ گازداندىرۋ دەڭگەيى 63،8 پايىزعا جەتەدى.