جەتىسۋ وبلىسىندا الاياق بىرەۋلەردىڭ اتىنان 40 ملن تەڭگەگە نەسيەلەر العان، - دەپ حابارلايدى aqshamnews.kz ءتىلشىسى.
جەتىسۋ وبلىسىندا ازاماتتاردىڭ سەنىمىنە كىرىپ، ولاردىڭ اتىنا نەسيەلەر مەن ميكرونەسيەلەر راسىمدەپ، جەكە پايداسىنا جاراتقان ەر ادامعا قاتىستى قىلمىستىق ءىس بويىنشا سوت تالقىلاۋى اياقتالدى.
سوتتالعان ادام جابىرلەنۋشىلەردىڭ جەكە دەرەكتەرىن جانە ەلەكترون سيفرلىق قولتاڭباسىن الىپ، ولاردى زاڭسىز نەسيە راسىمدەۋگە جانە اقشالاي قاراجاتتى يەمدەنۋگە پايدالانعان.
قىلمىستىق ارەكەتتەردىڭ سالدارىنان 14 ازامات زارداپ شەگىپ، كەلتىرىلگەن ماتەريالدىق شىعىننىڭ جالپى سوماسى 40 ملن تەڭگەدەن استى.
سوت ۇكىمىمەن ول كىنالى دەپ تانىلىپ، 4 جىل 6 اي مەرزىمگە باس بوستاندىعىنان ايىرىلدى.
سوت ۇكىمى زاڭدى كۇشىنە ەندى.