ءدىني باسقارما ۆاكسينا ناۋقانىن قولداپ، وسى تاقىرىپتا مەشىتتەردە تۇسىندىرمە جۇمىستارىن وتكىزەدى.
الماتى قالاسى جەتىسۋ اۋدانى «ءالي مۇحاممەد» مەشىتىنىڭ باس يمامى ءقاناتالى تاقىروۆ قۇربان ايتتىڭ ءمان-ماعىناسىن ءتۇسىندىرىپ، كارانتين كەزىندەگى مەرەكەنىڭ فورماتى تۋرالى ايتتى، دەپ حابارلايدى Almaty-akshamy.kz.
ەسكە سالساق، الماتىدا كوروناۆيرۋس ينفەكسياسىنىڭ ورشۋىنە بايلانىستى قۇربان ايت مەرەكەسىنە ارنالعان بارلىق ءىس-شارا ونلاين-فورماتتا وتەدى. جەتىسۋ اۋدانى «ءالي مۇحاممەد» مەشىتىنىڭ باس يمامى ءقاناتالى تاقىروۆ ءوز سۇحباتىندا ىندەتكە بايلانىستى ءدىندارلارعا قاۋىپسىزدىك شارالارىن ساقتاۋ تۋرالى ەسكەرتتى. ءدىننىڭ جەكە ادامنىڭ، بۇكىل قوعامنىڭ دەنساۋلىعىن ساقتاۋدى تالاپ ەتەتىنىن ايتتى. سونداي-اق بۇكىل الەم مۇسىلماندارى ەنگىزىلگەن شەكتەۋلەرگە تۇسىنىستىكپەن قاراۋدا.
ءقاناتالى تاقىروۆ قۇربان ايت مەرەكەسى تۋرالى جان-جاقتى ايتىپ بەردى.
«يسلامدا قاسيەتتى ەكى مەرەكە بار. ءبىرى - ءبىز كۇتكەن قۇربان ايت پەن رامازان ايىندا وتەتىن ورازا ايت. قاسيەتتى قۇربان ايت مەرەكەسى يبراھيم پايعامبار (س.ع.س) كەزىنەن باستاۋ الادى. ول ۇلىن قۇرباندىققا شالۋعا كەلىسىپ، اللاعا مويىنسۇندى. الايدا اللا تاعالا جەرگە قۇرباندىققا شالىنعان قوشقاردى جىبەردى. ءبىز بۇل سۇننەتتى ءارى يگى جولدى قايتالايمىز»، – دەدى يمام.
«قۇربان» ءسوزى «جاقىنداۋ»، «جاقىن بولۋ» دەگەندى بىلدىرەدى. ءدىني تەرمين رەتىندە بۇل بەلگىلى ءبىر ۋاقىتتا قۇدايعا قۇلشىلىق ەتۋ نيەتىمەن جانۋاردى قۇرباندىققا شالۋدى ايتادى. قۇربان ايت مەرەكەسى زۋلحيججا ايىنىڭ العاشقى 10 كۇنىندە تويلانادى. قازاقستان مۇسىلماندارى ءدىني باسقارماسىنىڭ يسلام مەرەكەلەرىنىڭ رەسمي كۇنتىزبەسىنە سايكەس، قۇربان ايت مەرەكەسى بيىل 20، 21 جانە 22 شىلدەگە كەلەدى.
ءقاناتالى تاقىروۆتىڭ ايتۋىنشا، حانافي مازحابىنا سايكەس، قۇرباندىق شالۋ – ءۋاجىپ، ياعني مىندەتتى.
«پايعامبارىمىز مۇحاممەد (س.ع.س) بىلاي دەدى: «كىمدە-كىم ءبىر تامشى قانمەن قۇرباندىق شالسا، بارلىق كۇنالارى كەشىرىلەدى. ال قۇرباندىققا شالىنعان مال وعان قيامەت كۇنى كومەكتەسەدى»، – دەدى جەتىسۋ اۋدانى مەشىتىنىڭ باس يمامى.
مەرەكە تۋرالى ايتا كەلە، ءقاناتالى تاقىروۆ بيىل ىندەتكە بايلانىستى ايت نامازى، سونداي-اق الماتى مەشىتتەرىندە قۇرباندىق شالۋدىڭ توقتاتىلعانىن حابارلادى.
«وسى سەبەپتەرگە بايلانىستى قازاقستان مۇسىلماندارى ءدىني باسقارماسى www.qurban2021.kz سايتىن ىسكە قوستى. ونىڭ كومەگىمەن ءدىندارلار كومەككە مۇقتاج وتباسىلارعا مالدى قاشىقتان ساداقا رەتىندە بەرە الادى. وتىنىمدەر 22 شىلدە كۇنى ساعات 14.00-گە دەيىن قابىلدانادى»، – دەدى ءقاناتالى تاقىروۆ.
وتكەن جىلى كارانتين كەزىندە 1100-دەن استام ۇساق مال مەن 50 ءىرى قارا قۇرباندىققا شالىندى. ءقازىردىڭ وزىندە وتىنىمدەر شامامەن بىردەي كولەمدە كەلىپ تۇسۋدە. سوڭعى دەرەكتەر كەيىنىرەك شىعارىلادى.
قۇرباندىق ەتى مۇقتاج وتباسىلارعا تاراتىلادى ءارى بالالار مەن قارتتار ءۇيى سياقتى مەملەكەتتىك مەكەمەلەرگە جىبەرىلەدى. وتكەن جىلى قۇرباندىققا شالىنعان مالدىڭ ەتىن 5 500-گە جۋىق ادام الدى.
«ءالي مۇحاممەد» مەشىتىنىڭ باس يمامى ءدىندارلاردى قاشىقتىق فورماتىندا قۇرباندىق شالۋدى الاڭداماۋى كەرەك دەدى. دىنگە سايكەس بۇل قولايلى.
«شىنىندا كوپشىلىك ادامدا كۇمان بار. ءبىراق ونىسى نەگىزسىز. قۇربان ايت كەزىندە ەكىنشى ادامعا قۇرباندىق شالۋ قاراستىرىلعان، بۇل شاريعاتتا بار. مىسالى، ەگەر ادام الىس قالادا نەمەسە ءىسساپاردا بولسا. سونداي-اق سول جەردە قۇرباندىق شالۋ مۇمكىن بولماسا، وندا ول سەنىمدى ادامعا الماتى قالاسىندا ءراسىم وتكىزۋگە ۋاكىلەتتىك بەرە الادى. ىندەت سەبەبىنەن قۇرباندىق شالۋدى ونلاين وتكىزۋ وسىعان نەگىزدەلگەن»، – دەپ ءتۇسىندىردى ءقاناتالى تاقىروۆ.
www.qurban2021.kz سايتى ءوز كەزەگىندە قايىرىمدىلىق جاسايتىندار مەن مۇقتاج ادام اراسىنداعى بايلانىستىرۋشى قۇرال. تاپسىرىس بەرۋشىلەرگە ءراسىمدى وتكىزۋ تۋرالى تولىق بەينەبايان كورسەتىلەدى. مۇنىڭ ءبارى ارنايى مال سويۋ ورىندارىندا ادام كوپ جينالمايتىنداي ەتىپ ويلاستىرىلعان. ءسىز سول سايتتاعى ۇسىنىستارمەن تولىعىراق تانىسا الاسىز.
«بارلىق ەت مۇقتاج وتباسىلارعا تاراتىلادى. ونى ءدىن وكىلدەرى، يمامدار جەتكىزەدى. وتكەن جىلى ەرىكتىلەر كومەك كورسەتتى. بيىل دا ەرىكتىلەر ەت جەتكىزۋگە كومەك كورسەتۋگە دايىن»، – دەدى جەتىسۋ اۋدانى مەشىتىنىڭ باس يمامى.
ءقاناتالى تاقىروۆ مەرەكە راسىمدەرى مەن ەرەجەلەرى تۋرالى ايتا كەلە، 85 گرامم التىن قۇنىنا تەڭ ەڭ تومەنگى جەتكىلىكتە مۇسىلماندارعا قۇرباندىق شالۋ مىندەتتى ەكەنىن، بۇل 2021 جىلعى جاعداي بويىنشا 1 230 000 تەڭگەنى قۇرايتىنىن ايتتى.
«ەگەر مۇسىلماننىڭ مۇلكى، ءۇيى، اۆتوكولىگى بولسا، شاريعاتتا قۇرباندىق شالۋ مىندەتتى. مۇمكىن بولسا، ول ءىرى قارا مالدى قۇرباندىققا شالۋعا نەمەسە ءبىر قوشقارمەن شەكتەلۋگە ءتيىس. قۇربان ايتتىڭ نەگىزگى ءمانى – ءدىندارلار اراسىندا مەيىرىمدىلىك، جومارتتىق پەن قايىرىمدىلىقتىڭ قالىپتاسۋى ەكەنىن ءتۇسىنۋ كەرەك»، – دەدى ءدىن قىزمەتكەرى.
ءقاناتالى تاقىروۆ بۇل رەتتە ەشقانداي ماجبۇرلەۋ بولمايتىنىن ايتتى. سونداي-اق قۇرباندىق شالۋعا نيەت بىلدىرۋشىلەر ارنايى سايتتىڭ مۇمكىندىكتەرىن ۇيدەن شىقپاي-اق پايدالانادى. بۇل مەرەكەنى كومەككە مۇقتاج ادامدار قاتتى كۇتەدى.
ءسوز سوڭىندا ءقاناتالى تاقىروۆ بارلىق ءدىندارلاردى وزدەرىنىڭ ءراسىمىن شەكتەۋگە، قوناققا بارماۋعا، جاپپاي ءىس-شارالار وتكىزبەۋگە، سانيتارلىق نورمالاردى ساقتاۋعا جانە ۇيدە ناماز وقۋعا شاقىردى.
ايتا كەتسەك، الماتى قالاسى مۇسىلمانداردىڭ ءدىني باسقارماسى ۆاكسينا ناۋقانىن قولداپ، وسى تاقىرىپتا مەشىتتەردە تۇسىندىرمە جۇمىستارىن وتكىزەدى.