قازاقستان پرەزيدەنتى بۇكىل گەرمانيا حالقىنا قايعىرا كوڭىل ايتتى.
قاسىم-جومارت توقايەۆ انگەلا مەركەلگە جەدەلحات جولدادى، دەپ حابارلايدى Almaty-akshamy.kz Akorda.kz سايتىنا سىلتەمە جاساپ.
مەملەكەت باسشىسى «بەرند» سيكلونىنان تۋىنداعان تولاسسىز جاڭبىر مەن سۋ تاسقىنى سالدارىنان كوپتەگەن ادامنىڭ قازا تاپقانى جانە زارداپ شەككەنى تۋرالى سۋىت حاباردى تەرەڭ كۇيزەلىسپەن قابىلدادى.
«وسىنداي اۋىر ساتتە قايعى-قاسىرەتتەرىڭىزگە ورتاقتاسىپ، بارشا قازاقستاندىقتاردىڭ جانە جەكە ءوزىمنىڭ اتىمنان سىزگە جانە جاقىندارىنان ايىرىلعان وتباسىلارعا، سونداي-اق، بۇكىل گەرمانيا حالقىنا قايعىرا كوڭىل ايتامىن. تابيعي اپات كەزىندە جاراقات العانداردىڭ تەز ارادا ساۋىعىپ كەتۋىنە، ال ءىز-تۇسسىز جوعالعانداردىڭ وتباسىلارىنا امان-ەسەن ورالۋىنا تىلەكتەستىك بىلدىرەمىن»، – دەلىنگەن جەدەلحاتتا.