بۇل جەردە كەمەل شاعىن اۋدانىنداعى اۋىسىمىنا 200 ادام قابىلدايتىن وتباسىلىق-دارىگەرلىك امبۋلاتوريا تۋرالى ءسوز بولىپ وتىر، ونى قاراشانىڭ سوڭىنا دەيىن اشۋ جوسپارلارىپ وتىر. الەۋمەتتىك ينفراقۇرىلىمنىڭ دامۋى تۋرالى جەتىسۋ اۋدانىنىڭ اكىمى گۇلنار كوكەبايەۆا ايتىپ بەردى، دەپ حابارلايدى almaty-akshamy.kz
سونىمەن قاتار، اۋدان تۇرعىندارىنىڭ مەديسينالىق قىزمەتتەرگە قادامدىق قولجەتىمدىلىگىن قامتاماسىز ەتۋ ءۇشىن اۋدان اكىمدىگى ەمحانالاردى ورنالاستىرۋ ءۇشىن 3 عيمارات ساتىپ الدى.
گ. كوكەبايەۆانىڭ ايتۋىنشا، قادامدىق قول جەتىمدىلىكتى ارتتىرۋ جانە حالىققا ساپالى مەديسينالىق كومەك كورسەتۋگە الماتىنىڭ بارلىق جەرگىلىكتى اتقارۋشى ورگاندارى باسىمدىق بەرىپ وتىر. سوندىقتان حالىقتىڭ جىل سايىنعى ءوسىمىن ەسكەرە وتىرىپ، ەمحانالىق جەلىنى دامىتۋ بويىنشا جۇمىستار جۇرگىزىلۋدە.
«كەمەل شاعىن اۋدانىنداعى ەمحاناعا ارنالعان جابدىق ساتىپ الىندى، مەديسينا قىزمەتكەرلەرىنىڭ شتاتى قۇرىلدى. سونىمەن قاتار، اۋدان تۇرعىندارىنىڭ مەديسينالىق قىزمەتتەرگە قادامدىق قولجەتىمدىلىگىن قامتاماسىز ەتۋ ءۇشىن اۋدان اكىمدىگى وماروۆ كوشەسى بويىنشا 300 كەلۋشىگە جانە نۇسىپبەكوۆ كوشەسى بويىنشا 200 كەلۋشىگە 3 ەمحانا عيماراتىن ساتىپ الدى. سونداي - اق، جۇمىسشى كەنتىندە اۋىسىمدا 240 كەلۋشىگە ارنالعان ەمحانا عيماراتى دا ساتىپ الىندى»، - دەپ اتاپ ءوتتى جەتىسۋ اۋدانىنىڭ اكىمى.
وماروۆ پەن نۇسىپبەكوۆ كوشەلەرىندەگى بولاشاق ەمحانالاردا كۇردەلى جوندەۋدى مەردىگەر ۇيىم جۇرگىزەتىن بولادى. عيماراتتاردى جوندەۋ وسى ايدا باستالادى، ال نىساندار 2024 جىلدىڭ ماۋسىمىندا اشىلادى دەپ جوسپارلانۋدا.
جۇمىسشى كەنتىندەگى عيمارات رايىمبەك داڭعىلىنىڭ بويىندا ورنالاسقان، وندا جوندەۋ جۇمىستارى اياقتالىپ، ينجەنەرلىك جەلىلەر قوسىلعان. بۇگىنگى تاڭدا جيھاز، كەڭسە تەحنيكاسى، كومپيۋتەرلەر، مەديسينالىق جابدىقتار (رەنتگەن، ۋلترادىبىستىق، مامموگرافيا) ساتىپ الۋ بويىنشا مەملەكەتتىك ساتىپ الۋ راسىمدەرى جۇرگىزىلۋدە. وسىلايشا، اعىمداعى جىلدىڭ جەلتوقسان ايىندا جەتىسۋ اۋدانىندا ەمحانا اشۋ جوسپارلانىپ وتىر.