قازاقستان رەسپۋبليكاسى پرەمەر-مينيسترىنىڭ ورىنباسارى – قارجى ءمينيسترى ە.جاماۋبايەۆ جاڭا سالىق كودەكسىنىڭ جوباسى بويىنشا كەڭەس وتكىزدى.
مەملەكەت باسشىسىنىڭ تاپسىرماسىن ورىنداۋ اياسىندا زاڭ جوباسىندا سالىقتىق اكىمشىلەندىرۋگە باسا نازار اۋدارۋ جوسپارلانىپ وتىر. قازىنالىق ورگاندار مەن سالىق تولەۋشىلەر اراسىنداعى ءوزارا ءىس-قيمىلدىڭ جاڭا سەرۆيستىك مودەلىن ەنگىزۋ قاراستىرىلىپ وتىر، دەپ حابارلايدى اlmaty-akshamy.kz. ەسەپتىلىك قىسقارتىلىپ، سالىقتىق باقىلاۋ جەڭىلدەتىلىپ، بارلىق پروسەسس سيفرلاندىرىلماق.
ەلدە تۇسىنىكتى جانە بولجاۋعا بولاتىن قازىنالىق ساياساتتى قالىپتاستىرۋ ءۇشىن بارلىق جاڭا ءتاسىل مەن جوسپارلانعان وزگەرىس سالىق ساياساتىنىڭ ءتيىستى تۇجىرىمداماسىندا كورىنىس تاباتىن بولادى. كودەكستىڭ ءوزىن قولدانىسقا ەنگىزۋ تۋرالى جەكە زاڭسىز قابىلداۋ ۇسىنىلادى.
ەكونوميكا سەكتورلارىنا بايلانىستى سارالانعان سالىق مولشەرلەمەلەرىن ەنگىزۋ بويىنشا زاڭ جوباسىنىڭ تۇجىرىمدامالىق ماسەلەلەرىن پىسىقتاۋ جالعاسۋدا. مۇنداي وزگەرىستەردىڭ قاجەتتىلىگىن ق ر پرەزيدەنتى قازاقستان حالقىنا جولداۋىندا، سونداي-اق باسقا دا باياندامالارىندا بىرنەشە رەت اتاپ وتكەن بولاتىن.
ءسوز سوڭىندا ە.جاماۋبايەۆ ۇلتتىق ەكونوميكا مينيسترلىگىنە مۇددەلى مەملەكەتتىك ورگاندارمەن جانە «اتامەكەن» ۇلتتىق كاسىپكەرلەر پالاتاسىمەن بىرلەسىپ، سالىق كودەكسى جوباسىنىڭ ماسەلەلەرىن ودان ءارى زەردەلەۋدى تاپسىردى.