الماتى قالاسىنىڭ جەتىسۋ اۋدانىندا رەسپۋبليكالىق «تازا قازاقستان» اكسياسىن قولداۋ ماقساتىندا 1000-نان استام اۋدان تۇرعىنى سەنبىلىككە شىقتى.
اۋقىمدى ەكولوگيالىق شاراعا اۋدان تۇرعىندارى، مەملەكەتتىك جانە جەكە مەكەمەلەر، قوعامدىق ۇيىمدار، جاستار مەن قارتتار قاۋىمى بەلسەنە اتسالىستى.
ءىس-شارا بارىسىندا 25 ارنايى تەحنيكا كۇشىمەن سەرىكوۆ كوشەسى (انگارسكايا كوشەسىنەن قازىبايەۆ كوشەسىنە دەيىن)، ابىلاي حان داڭعىلى، اقپايەۆ پەن يابلوچكوۆ كوشەلەرىنىڭ بويىنداعى اۋماقتار تازارتىلدى. تۇرعىندار ءوز كۇشتەرىمەن اۋلا ماڭايلارىن رەتكە كەلتىردى. ناتيجەسىندە 65 تەكشە مەتردەن استام تۇرمىستىق قالدىق شىعارىلدى.
سونداي-اق، سەيفۋللين مەن جانسۇگىروۆ كوشەلەرىنىڭ قيىلىسىندا اۋدان اكىمى مەن پروكۋرورىنىڭ قاتىسۋىمەن 100 دانا رايكا سۇرپىنداعى الما اعاشى، 10 بالتىق ۇيەڭكىسى جانە 25 قىزعالداق اعاشى وتىرعىزىلدى.
الداعى ۋاقىتتا اۋدان اۋماعىندا 1000-نان استام جاپىراقتى اعاش كوشەتتەرىن وتىرعىزۋ جوسپارلانۋدا.