پرەزيدەنت قاتتى تۇرمىستىق قالدىقتاردى وڭدەيتىن زاۋىت قۇرىلىسىن جەدەلدەتۋدى تاپسىردى، - دەپ حابارلايدى aqshamnews.kz ءتىلشىسى.
مەملەكەت باسشىسىنا زاۋىت قۇرىلىسىنىڭ بارىسى تۋرالى ەكولوگيا جانە تابيعي رەسۋرستار ءمينيسترى ەرلان نىسانبايەۆ پەن ەلوردا اكىمى جەڭىس قاسىمبەك باياندادى. جوسپارلارمەن تانىسقاننان كەيىن پرەزيدەنت زاۋىت قۇرىلىسىن جەدەلدەتۋدى تاپسىردى.
حالىق سانىنىڭ وسۋىنە بايلانىستى ەلوردادا قالدىق كولەمى دە ارتىپ كەلەدى.
بۇعان دەيىن ەكولوگيا ءمينيسترى ەرلان نىسانبايەۆ قازاقستاندا جىلىنا 4 ميلليون توننادان اسا قالدىق تۇزىلەتىنىن، سونىڭ تەك 24 پايىزى عانا سۇرىپتالىپ، قايتا وڭدەلەتىنىن ايتقان. وسىعان بايلانىستى استانا، الماتى جانە شىمكەنت قالالارىندا قوقىس جاعۋ زاۋىتتارىن سالۋ جوسپارلانىپ وتىر.