كەشە "112" وپەراتورىنىڭ پۋلتىنە حابارلاما كەلىپ ءتۇستى. پاۆلودار وبلىسىنىڭ اقسۋ قالاسىندا جەر جۇمىستارىن جۇرگىزۋ كەزىندە ەر ادامنىڭ ۇستىنە قۇم قۇلاپ كەتكەن، - دەپ حابارلايدى aqshamnews.kz ءتىلشىسى تجم-عا سىلتەمە جاساپ.
وقيعا ورنىنا قۇتقارۋشىلار دەرەۋ شىقتى. پرومىشلەننايا كوشەسىندە ورنالاسقان ءجشس-نىڭ ءبىرىنىڭ اۋماعىندا جەر قازۋ جۇمىستارى كەزىندە توپىراق قۇلاعان، ناتيجەسىندە 1998 جىلى تۋعان ەر ادام ءۇيىندى استىندا قالىپ قويعان.
قۇتقارۋشىلار سۋ قۇبىرى قۇدىعىنداعى پايدا بولعان كىشكەنە ويىق ارقىلى زارداپ شەگۋشىگە ارنايى جابدىقتىڭ كومەگىمەن وتتەگىن جەدەل بەردى. سونىمەن قاتار، ونى جەر استىنان بوساتۋ بويىنشا قۇتقارۋ جۇمىستارى جۇرگىزىلدى.
ءساتتى اياقتالعان قۇتقارۋ وپەراسياسىنان كەيىن ەر ادام جەدەل مەديسينالىق جاردەم بريگاداسىنا تاپسىرىلدى.