مەملەكەت باسشىسى جولداۋدا باستى نازاردى ەڭبەك ونىمدىلىگىن ارتتىرۋ مەن تيىمدىلىككە اۋدارىپ وتىر. تاريح عىلىمدارىنىڭ دوكتورى، پروفەسسور بەرەكەت كارىبايەۆ وسىنداي پىكىردە. ول سالىق جۇيەسىندە، اكىمشىلىك رەتتەۋدە دە تيىمدىلىك نەگىز بولاتىنىن قوسا ايتتى.
"جاڭا ەكونوميكالىق ساياسات - جاڭا قازاقستاننىڭ دامۋىنداعى ماڭىزدى بەلەستى كەزەڭ. بۇل جاڭا قازاقستانداعى العاشقى جولداۋ" دەدى ب.كارىبايەۆ.
سوندىقتان پرەزيدەنت ەكونوميكالىق ماسەلەلەردى باسىم باعىتتار دەپ ايقىنداپ وتىرعانىن تىلگە تيەك ەتتى.
ال قازۇازۋ پروفەسسورى اقىلبەك جۇماگەلدييەۆ جولداۋدا قۋانتاتىنى، اۋىل شارۋاشىلىعى مەن مال شارۋاشىلىعىنا كوڭىل ءبولۋ ەكەنىنە باسا ءمان بەردى.
"بۇل جەردەگى باستى ماسەلە مال شارۋاشىلىعىن دامىتىپ جاتىرمىز. سونىمەن قاتار ونى تەك شيكىزات تۇرىندە پايدالانىپ قانا قويماي، ارى قاراي ونىمگە اينالدىرۋ كەرەك" دەپ عالىم وزەكتى ماسەلەنى العا تارتتى.
ا. جۇماگەلدييەۆ بۇگىنگى قوعامدا كوپشىلىگى باسەكەگە شىداس بەرمەي جاتقانىن العا تارتىپ، ءونىمنىڭ ساپاسىن جاقسارتاتىن ۋاقىت كەلگەنىن باسا ايتتى.
"جاڭا يننوۆاسيالىق قۇرىلعىلار مەن جاڭا ادىستەردى قولدانىپ جاتساق، نۇر ۇستىنە نۇر بولىپ، ودان دا ساپالى ونىمدەر الاتىنىمىزعا سەنىم مول" دەپ الدا ۇلكەن ماقسات تۇرعانىن جاسىرمادى.