2 مامىردا ءابىلحان قاستەيەۆ اتىنداعى ق ر مەملەكەتتىك ونەر مۋزەيى قورىنان 1941-1945 جىلدارداعى ۇلى وتان سوعىسىنا جانە كەڭەس وداعىنىڭ باتىرى، قازاقستاننىڭ حالىق باتىرى، قازاقستان رەسپۋبليكاسى ارمياسىنىڭ گەنەرالى ساعادات قوجاحمەت ۇلى نۇرماعامبەتوۆتىڭ تۋعانىنا 100 جىل تولۋىنا ارنالعان «جەڭىستىڭ جۇلدىزدى ساعاتى» اتتى كورمە اشىلادى.
ەكسپوزيسيادا كەڭەس زامانى مەن قازاقستاندىق سۋرەتشىلەردىڭ، ۇوس قاتىسۋشىلارىنىڭ 50-دەن اسا تۋىندىسى، سوعىس باتىرلارى مەن تىل ەڭبەككەرلەرىنە ارنالعان كارتينالار قويىلادى. كورمەنىڭ اشىلۋىندا كورەرمەندەر اسكەري-تاريحي مۋزەيدىڭ ديرەكتورى ا.بايقاداموۆانىڭ قولداۋىمەن ۇسىنىلعان گەنەرال ساعادات نۇرماعامبەتوۆتىڭ جەكە زاتتارىن تاماشالاي الادى.
«جەڭىستىڭ جۇلدىزدى ساعاتى» كورمەسىنىڭ مازمۇنى سان قىرلى. كورمەنىڭ ينتەراكتيۆتى اقپاراتتىق سۇيەمەلدەنۋى ۇلى جەڭىس ءۇشىن مايداندا شايقاسقان قازاقستاندىقتار مەن ۇلى وتان سوعىسىنا قاتىسۋشى قازاقستاندىق سۋرەتشىلەرگە ارنالعان.
«وتاندى قورعاۋدا ءبىر ەكپىنمەن ءار ءتۇرلى ۇلت وكىلدەرى قاتار سوعىسقان. بىزگە بەلورۋس، گرۋزين، قازاق، ليتۆا، ورىس، وزبەك سۋرەتشىلەرىنىڭ تۋىندىلارىندا كورىنىس تاپقان بارلىق حالىقتىڭ بىرىگۋىن ەرەكشە اتاپ ءوتۋ ماڭىزدى. جوعارى كاسىبي دەڭگەيدە ورىندالعان ولاردىڭ شىعارمالارى ومىرگە، قاراپايىمدىلىققا جانە شىنايىلىققا، تراگەدياعا، پوەتيكالىق مازمۇنعا جانە ەرلىككە تولى. ولار بورىش، ەلگە تونگەن ءقاۋىپ، سونىمەن قاتار جەڭىس تۋرالى اڭگىمەلەيدى»، – دەيدى كورمە جەتەكشىسى س.كوبجانوۆا.
كەسكىندەمە، گرافيكا جانە ءمۇسىن ونەرىنەن ءتۇرلى ۇرپاق شەبەرلەرى، ءار ۇلتتىڭ دارىندى سۋرەتشىلەرى بەينەلەگەن تۋىندىلاردى تەرەڭ تۇسىنۋمەن قاتار، كورمە زامانداستارىمىزدى الەمدەگى بىرلىك، بەيبىتشىلىك پەن ءومىردى قورعاۋعا شاقىرادى.
كورمە 30 مامىرعا دەيىن جالعاسادى.