اتالعان مەموراندۋمنىڭ ماقساتى – حالىقارالىق جانە رەسپۋبليكالىق ماڭىزى بار اۆتوموبيل جولدارىنىڭ بويىنداعى دەمالىس الاڭدارىندا سرت وزىق تەحنولوگيالارىن پايدالانا وتىرىپ، ەلەكتروموبيلدەرگە قىزمەت كورسەتۋ ستانسيالارىن مونتاجداۋ جانە پايدالانۋ جونىندەگى جوبانى ورىستەتۋ
اتالعان جوبا قازاقستاندا ەكولوگيالىق تازا كولىكتەردىڭ ودان ءارى تارالۋىنا ىقپال ەتە وتىرىپ، ەلەكتروموبيل يەلەرى ءۇشىن ىڭعايلى جانە قولجەتىمدى ينفراقۇرىلىم قۇرۋعا باعىتتالعان، دەپ حابارلايدى Almaty-akshamy.kz كولىك مينيسترلىگىنە سىلتەمە جاساپ.
ايتا كەتەرلىگى، بۇل كەلىسىم سرت وزىق تەحنولوگيالارىن پايدالانا وتىرىپ، ەلەكتروموبيلدەر ءۇشىن ينفراقۇرىلىمدى دامىتۋ سالاسىنداعى ىنتىماقتاستىقتى نىعايتۋعا دەگەن ورتاق ۇمتىلىستى كورسەتەدى. وسى ستراتەگيالىق ارىپتەستىكتە ق ر كولىك سالاسىنداعى يننوۆاسيالىق شەشىمدەردى ينتەگراسيالاۋ سالاسىنداعى تانىلعان كوشباسشى – Car Pad Transformer Limited كولىك مينيسترلىگى اۆتوموبيل جولدارى كوميتەتىنىڭ سەرىكتەسى بولماق.
ىنتىماقتاستىق اياسىندا ورناتىلاتىن ستانسيالار اۆتوموبيل قوزعالىسىنىڭ بارلىق قاتىسۋشىسى ءۇشىن قولايلى مۋلتيسەرۆيستىك ورتانى قامتاماسىز ەتەدى دەپ جوسپارلانىپ وتىر. ولاردىڭ قۇرامىنا ەلەكتروموبيلدەردى زاريادتاۋعا ارنالعان نۇكتەلەر، ساۋدا الاڭدارى كىرەدى. ول وسىنداي الاڭداردى اۆتوموبيلدەرگە قىزمەت كورسەتۋ ورنى دەپ قانا شەكتەلمەي، سونىمەن قاتار جۇرگىزۋشىلەر مەن جولاۋشىلار ءۇشىن ىڭعايلى دەمالىس ورنىنا اينالدىرادى.
ق ر كولىك مينيسترلىگىنىڭ اۆتوموبيل جولدارى كوميتەتى مەن Car Park Transformer Limited اراسىنداعى ىنتىماقتاستىق تۋرالى مەموراندۋمعا قول قويۋ ەلدەگى ەكولوگيالىق تازا كولىك ينفراقۇرىلىمىن دامىتۋ ءۇشىن جاڭا پەرسپەكتيۆالار اشىپ، ورنىقتى دامۋ سالاسىنداعى ستراتەگيالىق ماقساتتارعا قول جەتكىزۋگە ىقپال ەتۋگە باعىتتالادى.