جەڭىلدەتىلگەن اۆتونەسيە العىڭىز كەلسە...

كەلەر ايدان باستان قازاقستاندا جەڭىلدەتىلگەن اۆتونەسيەگە ەلەكتروندىق كەزەك اشىلادى

وسى جىلدىڭ جەلتوقسان ايىندا جەڭىلدەتىلگەن اۆتونەسيەلەۋ باعدارلاماسى بويىنشا ەلەكتروندىق كەزەك ىسكە قوسىلۋى ىقتيمال، دەپ حابارلايدى Almaty-akshamy.kz LS سىلتەمە جاساپ.

يندۋستريا جانە ينفراقۇرىلىمدىق دامۋ مينيسترلىگىنىڭ مالىمەتىنشە، ەلەكتروندى كەزەك بەرۋ پلاتفورماسى تەستىلەۋدىڭ سوڭعى كەزەڭىندە تۇر. كەلەسى ايدان باستاپ ىسكە قوسىلادى.

بۇل ءوتىنىش بەرۋشىگە ءوتىنىمدى ەلەكتروندىق رەسۋرستا جىبەرىپ، كەيىننەن قارىز بەرىلگەن ساتكە دەيىن اعىمداعى مارتەبەسىن قاداعالاۋعا مۇمكىندىك بەرەدى.

"ەلەكتروندىق كەزەككە ءساتتى قويىلعان جاعدايدا ءوتىنىش بەرۋشى باعدارلاماعا قاتىسۋشى كەز كەلگەن بانككە جۇگىنۋگە قۇقىلى، ول قارىزدىڭ ماقۇلدانعانىن راستايدى"، - دەپ ءتۇسىندىردى مينيسترلىكتە.

ەلەكتروندى كەزەككە قويۋ اي سايىن اۆتونەسيە بەرۋگە وتىنىمدەردى تىركەيتىن پلاتفورمادا جۇرگىزىلەدى.

ەستەرىڭىزگە سالا كەتەيىك، باعدارلاما شارتتارىنا سايكەس، سىياقى مولشەرلەمەسى 4%-دان، نەسيەلەۋ سوماسى 10 ملن تەڭگەدەن اسپايدى، مەرزىمى – جەتى جىلعا دەيىن، باستاپقى جارناسىز، اۆتوكولىك قۇنى – 15 ملن تەڭگەگە دەيىن.