جازدا جاسوسپىرىمدەر قانداي جۇمىس تۇرلەرىن ىستەي الادى؟

قازاقستاندا 14 جاستان باستاپ جۇمىس ىستەۋگە رۇقسات ەتىلەدى.

جازدا ەلىمىزدە پروموۋتەر، كۋرەر، بايلانىس ورتالىعىنىڭ وپەراتورلارى ماماندارىنا سۇرانىس كوپ، دەپ حابارلايدى almaty-akshamy.kz جۇمىسپەن قامتۋ ورتالىعىنا سىلتەمە جاساپ.

جۇمىسپەن قامتۋ سايتىنىڭ مالىمەتىنشە، ءبىر ايدا وسىنداي ەكى ءجۇز قىزمەتكەر قاجەت بولعان.  نەگىزگى شارتتاردىڭ ءبىرى - اتا-انالار مەن وقۋ ورنى وكىلدەرىنىڭ جازباشا كەلىسىمى كەرەك. 

راحيما ماحمۋدوۆا، PR-مەنەدجەر

- جاسوسپىرىمگە جۇمىس ۇسىنعانىمەن ەڭبەك شارتىن بەكىتپەيتىندەر بولادى. مەن مۇنى قۇپتامايمىن، ويتكەنى جۇمىس بەرۋشىلەر الداپ، جالاقى تولەمەيتىن جاعدايلار ءجيى كەزدەسەدى. سوندىقتان بارلىعىن زاڭ شەڭبەرىندە جاساعان دۇرىس. زاڭ بويىنشا قازاقستاندا 14 جاستان باستاپ جۇمىس ىستەۋگە رۇقسات ەتىلەدى. ەڭ باستىسى، بۇل وقۋدان بوس ۋاقىتتا بولۋعا ءتيىس جانە ءجاسوسپىرىمنىڭ دەنساۋلىعى مەن پسيحيكاسىنا زيان تيگىزبەۋى كەرەك. كامەلەتكە تولماعاندارعا تۇندە ەڭبەكتەنۋگە تىيىم سالىنادى. بۇدان دا باسقا شەكتەۋلەر بار. 14 جاسقا دەيىنگى بالالارعا اپتاسىنا 24 ساعاتتان، 16 جاسقا دەيىنگى جەتكىنشەكتەرگە 36 ساعاتتان ارتىق جۇمىس ىستەۋگە بولمايدى.