Nur Otan پارتياسىنىڭ كەزەكتەن تىس شاقىرىلعان XXII سەزىنىڭ قورىتىندىسى بويىنشا، پارتيانىڭ قۇرىلىمى، جۇمىس جاساۋ ءتاسىلى، ەڭ ماڭىزدى تۇسى – اتاۋى دا وزگەردى.
پارتيانىڭ اتىن وزگەرتىپ، «امانات» دەپ اتاۋ تۋرالى ۇسىنىستى ق ر پارلامەنتى ءماجىلىسىنىڭ سپيكەرى ەرلان قوشانوۆ مىرزا جاسادى. پرەزيدەنتىمىز، پارتيا ءتوراعاسى قاسىم-جومارت كەمەل ۇلى توقايەۆ بۇل ۇسىنىستى قولدادى.
جەتەكشى ساياسي ۇيىمنىڭ «امانات» دەپ وزگەرۋى بەكەر بولماسا كەرەك-تى. ۇلان-عايىر جەردى، وزىق داستۇرلەردى، كول-كوسىر رۋحاني قازىنالاردى بىزگە اماناتتاپ كەتكەن قاسيەتتى بابالارىمىزدىڭ اماناتىنا قيانات جاساماي، تاۋەلسىزدىگىمىزدى تۇعىرلى ەتۋ، ەلىمىزدىڭ جان-جاقتى قۋاتتى مەملەكەتكە اينالۋىنا اتسالىسۋ ءاربىرىمىزدىڭ بورىشىمىز ەكەنى بەلگىلى. سوندىقتان جيىن قورىتىندىسى بويىنشا تۇبەگەيلى وزگەرىستەرگە تۇسكەن پارتيانىڭ «جاڭا قازاقستاندى» قۇرۋ ءۇشىن بەلگىلەنگەن جاڭا مىندەتتەمەلەرىن ورىنداۋعا بار كۇشىمىزدى سالامىز.
جاڭارعان جىلدىڭ، جاڭا كوكتەمىنىڭ العاشقى كۇنىندە جاسالعان جاڭا شەشىمدەر ەل يگىلىگىنە قىزمەت ەتەتىنىنە سەنەمىن. ەل بولاشاعى جارقىن بولسىن!