سەبەبى، كلاسسيكالىق مۋزىكا جاستاردى "ۇركىتەدى".
حەلسينكي ماڭىنداعى ەسپۋ قالاسىنىڭ پوليسياسى وقۋ جىلىنىڭ اياقتالۋىن تويلاپ جاتقان جاسوسپىرىمدەردى جاعاجايدان ۇركىتۋ ءۇشىن كلاسسيكالىق مۋزىكانى پايدالانادى.
وسى ۋاقىتتا جاستار جاعاجايلاردا ءجيى كەش وتكىزىپ، قوقىس تاستاپ، جەرگىلىكتى تۇرعىنداردىڭ مازاسىن الادى. ولاردى قورقىتۋ ءۇشىن پوليسەيلەر بىرنەشە جىلدان بەرى ادەتتەن تىس وسى ءادىستى قولدانىپ كەلەتىن كورىنەدى، دەپ حابارلايدى Almaty-akshamy.kz.
كلاسسيكالىق ساز جاسوسپىرىمدەر ءۇشىن زەرىكتىرەتىن، تۇسىنىكسىز الەم رەتىندە ولاردىڭ كوڭىل كوتەرۋ نيەتىن تومەندەتەتىن بولىپ شىقتى. وسىنى ەسكەرگەن جەرگىلىكتى ءتارتىپ ساقشىلارى وسىنداي وزگەشە قۋلىققا بارۋعا ءماجبۇر. كەش باتا ۇلكەن ديناميكتەردەن، داۋىس زورايتقىشتاردان كلاسسيكالىق مۋزىكا وينايدى. بيىلعى پلەيليستكە يوگان شتراۋستىڭ «ادەمى كوك دۋنايدا»، انتونيو ءۆيۆالديدىڭ «ءتورت مەزگىل» جانە فرانس شۋبەرتتىڭ «اۆە ماريا» تۋىندىلارى كىرگەن. پوليسيا قىزمەتكەرى ميككو جۋۆونەننىڭ ايتۋىنشا، مۇنداي شارالار باسقا ەلدەردە دە قولدانىلىپ، ناتيجەلى بولعان: جاسوسپىرىمدەر ويىن-ساۋىق ءۇشىن باسقا جەر ىزدەگەندى ءجون كورەدى.