قازگيدرومەت سينوپتيكتەرى مالىمەتتەرىنە سۇيەنسەك، بۇگىن اتموسفەرالىق فرونتالدى بولىمدەردىڭ وتۋىمەن رەسپۋبليكا اۋماعىنىڭ باسىم بولىگىندە جاۋىن-شاشىن جاۋادى، دەپ حابارلايدى aqshamnews.kz.
تۇندە ەلىمىزدىڭ وڭتۇستىگىندە، وڭتۇستىك-شىعىسىنىڭ تاۋلى اۋداندارىندا جاڭبىردىڭ ارتى قارعا ۇلاسادى دەپ كۇتىلەدى. تۇندە رەسپۋبليكانىڭ وڭتۇستىك-شىعىسىندا قاتتى جاڭبىر جاۋادى. تۇندە شىعىس، وڭتۇستىك، ورتالىق اۋماقتاردا قار جاۋادى دەپ بولجانىپ وتىر.
ەلدىڭ باتىسىندا، سولتۇستىك-باتىسىندا، سولتۇستىگىندە جاۋىن جاۋمايدى دەگەن بولجام بار. ەلىمىزدىڭ باسىم اۋماعىندا جەل كۇشەيىپ، تۇنگى جانە تاڭەرتەڭگى ساعاتتاردا تۇمان تۇسەدى.
تۇندە قىزىلوردا، تۇركىستان وبلىستارىندا 1-6 گرادۋس ۇسىك كۇتىلەدى.
باتىس قازاقستان وبلىسىنىڭ باتىسىندا، وڭتۇستىگىندە، قىزىلوردا وبلىسىنىڭ ورتالىعىندا، سولتۇستىگىندە، باتىسىندا، اتىراۋ وبلىسىنىڭ باتىسىندا، سولتۇستىگىندە جوعارى ءورت ءقاۋپى ساقتالادى