«قازگيدرومەت» رمك قازاقستان قالالارىنداعى اۋا ساپاسىنا بولجامىن جاريالادى.
سينوپتيكتەردىڭ بولجامى بويىنشا، 16 قازاندا پەتروپاۆلوۆسك، پاۆلودار، وسكەمەن، اقتوبە جانە تۇندە اتىراۋ قالالارىندا اۋا لاستانۋىنىڭ قولايسىز مەتەورولوگيالىق جاعدايلارى بولۋى مۇمكىن، دەپ حابارلايدى aqshamnews.kz.
قولايسىز مەتەورولوگيالىق جاعدايلار — اتموسفەرالىق اۋانىڭ بەتكى قاباتىندا زياندى (لاستاۋشى) زاتتاردىڭ شوعىرلانۋىنا ىقپال ەتەتىن قىسقامەرزىمدى مەتەوفاكتورلاردىڭ (تىمىق اۋا رايى، جەڭىل جەل، تۇمان، ينۆەرسيا) جيىنتىعى.
قولايسىز مەتەورولوگيالىق جاعداي كەزىندە ەلدىمەكەندەردەگى اتموسفەرالىق اۋانىڭ ساپاسى ناشارلاۋى ىقتيمال.