قازاقستاندا 18–20 قاراشاعا ارنالعان اۋا رايى بولجامى جاريالاندى، دەپ حابارلايدى Aqshamnews.kz ءتىلشىسى.
رگپ «قازگيدرومەت» سينوپتيكتەرىنىڭ مالىمەتىنشە، الداعى كۇندەرى ەلىمىزدىڭ باسىم بولىگىندە اتلانتيكالىق سيكلوننىڭ اسەرىنەن اۋا رايى تۇراقسىز بولادى. رەسپۋبليكانىڭ كوپ ايماعىندا جاڭبىر مەن قار، سولتۇستىك وڭىرلەردە بوران جانە كوكتايعاق كۇتىلەدى.
تەك 19–20 قاراشادا ەلىمىزدىڭ وڭتۇستىك-باتىسىندا، سونداي-اق شىعىستىڭ ءبىر بولىگىندە انتيسيكلوننىڭ ىقپالىنان جاۋىن-شاشىنسىز اۋا رايى ساقتالادى. رەسپۋبليكا بويىنشا تۇمان ءتۇسىپ، جەلدىڭ كۇشەيۋى بولجانىپ وتىر.
«تەمپەراتۋرالىق فون ءبىرقالىپتى ساقتالادى. تەك شىعىس وڭىرلەردە تۇنگى ۋاقىتتا اۋا تەمپەراتۋراسى –6…–23°س، ال كۇندىز +2…+10°س شاماسىندا بولادى»، – دەپ حابارلادى «قازگيدرومەت».
سينوپتيكتەر تۇرعىنداردى اۋا رايىنىڭ قۇبىلمالى بولۋىنا بايلانىستى ساقتىق شارالارىن ساقتاۋعا شاقىرادى.