استانادا ماس كۇيىندە كوپىرگە شىققان ەر ادام 15 تاۋلىككە قامالدى، دەپ حابارلايدى Aqshamnews.kz ءتىلشىسى.
استانا قالاسىنىڭ مامانداندىرىلعان اكىمشىلىك سوتى قىلمىستىق ەمەس قۇقىقبۇزۋشىلىقتار تۋرالى كودەكستىڭ 434-بابىنىڭ 1-بولىگى (ۇساق بۇزاقىلىق) بويىنشا ازامات ب.-عا قاتىستى اكىمشىلىك ءىستى قارادى.
ءىس ماتەريالدارىنا سايكەس، ەر ادام ماس كۇيىندە كوپىر كونسترۋكسياسىنا شىعىپ، قوعامدىق ءتارتىپتى بۇزعان جانە اينالاسىنداعىلارعا اشىق تۇردە قۇرمەتسىزدىك كورسەتكەن. الەۋمەتتىك جەلىلەردە تاراعان اقپاراتقا قاراعاندا، وقيعا «سارايشىق» كوپىرىندە بولعان.
قۇقىقبۇزۋشىلىق فاكتىسى پوليسيا حاتتاماسىمەن، كۋاگەردىڭ ايعاقتارىمەن جانە وقيعا ورنىنداعى بەينەجازبامەن راستالدى.
سوت وتىرىسىندا ازامات ب. ءوز كىناسىن تولىق مويىنداپ، جاساعان ارەكەتىنە وكىنەتىنىن ايتتى.
زاڭعا سايكەس، بۇل باپ بويىنشا 20 اەك كولەمىندە ايىپپۇل نەمەسە 5-تەن 15 تاۋلىككە دەيىن اكىمشىلىك قاماۋ كوزدەلگەن.
سوت قۇقىقبۇزۋشىلىقتىڭ سيپاتىن، ونىڭ قوعامدىق قاۋىپتىلىگىن، ايىپتالۋشىنىڭ مىنەز-قۇلقىن جانە وكىنۋىن جانە ماس كۇيدە بول فاكتورلاردى ەسكەرە وتىرىپ، ەڭ جوعارعى جازا - 15 تاۋلىك اكىمشىلىك قاماۋ تاعايىندادى.
شەشىم ءالى زاڭدى كۇشىنە ەنگەن جوق.