بۇيرىق جوباسى قوعامدىق تالقىعا سالىندى.
ىشكى نارىقتا جانار-جاعارماي تاپشىلىعىن بولدىرماۋ ماقساتىندا ەنەرگەتيكا مينيسترلىگى مۇناي ونىمدەرىن تەمىر جول كولىگىمەن ەكسپورتتاۋعا تىيىم سالۋدى جوسپارلاپ وتىر، دەپ حابارلايدى aqshamnews.kz
مينيسترلىك «قازاقستان رەسپۋبليكاسى اۋماعىنان مۇناي ونىمدەرىن اكەتۋدىڭ كەيبىر ماسەلەلەرى تۋرالى» بىرلەسكەن بۇيرىقتىڭ جوباسىن ازىرلەدى. ول بويىنشا قازاقستان رەسپۋبليكاسىنىڭ اۋماعىنان، ونىڭ ىشىندە ەۋرازيالىق ەكونوميكالىق وداققا مۇشە مەملەكەتتەرگە مۇناي ونىمدەرىن اۆتوموبيل جانە تەمىرجول كولىگىمەن اكەتۋگە 6 اي مەرزىمگە تىيىم سالۋ كوزدەلگەن.
ءقازىر ججم تۇتىنۋدىڭ ادەتتەن تىس ۇلعايۋى جانە ىشكى نارىقتا قالعان ءونىمنىڭ ازايۋى بايقالادى. اتاپ ايتقاندا، قازاقستاننىڭ وڭتۇستىك شەكارالاس ايماقتارىندا ايتارلىقتاي ءوسىم بايقالادى. بۇل جاعداي قازاقستان رەسپۋبليكاسىندا جانە شەكارالاس ەلدەردەگى مۇناي ونىمدەرى باعاسى اراسىنداعى ايىرماشىلىعىمەن بايلانىستى، وسىنىڭ سالدارىنان ءونىم شەكارالاس ەلدەرگە اكەتىلىپ جاتىر، – دەلىنگەن مينيسترلىك حابارلاماسىندا.
بىرلەسكەن بۇيرىقتىڭ جوباسى «اشىق نقا» سايتىندا قوعامدىق تالقىعا ۇسىنىلدى.