وقۋ ءمينيسترى عاني بەيسەمبايەۆ جاڭا وقۋ جىلىندا مەكتەپ باعدارلاماسىندا قانداي وزگەرىستەر بولاتىنىن ايتتى، دەپ حابارلايدى aqshamnews.kz
ءمينيستردىڭ ايتۋىنشا، قازىرگى ۋاقىتتا ەلىمىزدەگى 8 مىڭنان استام مەكتەپتە 4،1 ميلليون وقۋشى ءبىلىم الۋدا.
"بيىل ءبىرىنشى سىنىپقا 341 مىڭ بالا قابىلدانادى. 11-سىنىپقا 232 مىڭ وقۋشى ءوتتى. جاڭا وقۋ جىلىنىڭ ەرەكشەلىگى – جاساندى ينتەللەكتتى ورتا ءبىلىم بەرۋ جۇيەسىنە ەنگىزۋ بولماق. وسىعان وراي "سيفرلىق ساۋاتتىلىق" پەن "ينفورماتيكا" پاندەرىنە جاساندى ينتەللەكت قۇرالدارى كىرىكتىرىلىپ، ەتيكالىق ستاندارتتار بەكىتىلدى. 1–11-سىنىپ وقۋشىلارىنا ارنالعان "Day of AI" ونلاين كۋرستارى ازىرلەندى، سونداي-اق مۇعالىمدەرگە ارنالعان كۋرستار ۇيىمداستىرىلادى"، – دەدى عاني بەيسەمبايەۆ.
مينيستر سونداي-اق مەملەكەت باسشىسىنىڭ تاپسىرماسى بويىنشا جاڭا وقۋ جىلىنان باستاپ "كەلەشەك مەكتەپتەرى" باسقارۋ مودەلى ىسكە قوسىلاتىنىن اتاپ ءوتتى.
"ول ءۇشىن جاڭا باسقارۋ ستاندارتى قابىلداندى، اككرەديتاسيا ستاندارتتارى ازىرلەندى. ءۇش دەڭگەيلى كۋرستان وتكەن 3 مىڭنان استام پەداگوگ بيىلعى وقۋ جىلىندا جاڭا جۇيەدە جۇمىسىن باستايدى"، – دەدى مينيستر.