2022 جىلى 6 نىسان پايدالانۋعا بەرىلدى
جاڭا وقۋ جىلىندا 89 مىڭ ستۋدەنتكە جاتاقحانا جەتىسپەيدى. تاپشىلىق ەڭ كوپ بايقالعان وڭىرلەر كوشىن الماتى مەن نۇر-سۇلتان باستاپ تۇر. وڭتۇستىك استانادا - 37 مىڭنان استام، باس قالادا - 14 مىڭ ستۋدەنتكە تۇرعىن جاي كەرەك. بۇل تۋرالى ەلىمىزدىڭ عىلىم جانە جوعارى ءبىلىم ۆيسە-مينيسترى تالعات ەشەنقۇلوۆ مالىمدەدى، دەپ حابارلايدى Almaty-akshamy.kz Almaty.tv-گە سىلتەمە جاساپ.
اتالعان ماسەلەنى شەشۋ ءۇشىن ءقازىر 30 جوعارى وقۋ ورنى قوناق ۇيلەر مەن حوستەلدەردىڭ يەلەرىمەن كەلىسىمشارت جاساۋ ماسەلەسىن قاراستىرىپ جاتىر.
«ستۋدەنت جاستاردىڭ ءومىر ءسۇرۋ جاعدايىن جاقسارتۋ ءۇشىن 2018 جىلدان باستاپ جاڭا جاتاقحانالار سالىنىپ جاتىر. وسى باستامانى ىسكە اسىرۋ باستالعاننان بەرى جوو-دا 20 700-دەن استام توسەك-ورىنعا ارنالعان 93 نىسان، ونىڭ ىشىندە 2022 جىلى 1470 توسەك-ورىنعا ارنالعان 6 نىسان پايدالانۋعا بەرىلدى»، – دەدى ق ر عىلىم جانە جوعارى ءبىلىم ۆيسە-مينيسترى تالعات ەشەنقۇلوۆ.