بۇل مىندەتتى.
ەلىمىزدە 1 قاڭتاردا دەكلاراسيالاۋدىڭ ءۇشىنشى كەزەڭى باستالادى، دەپ حابارلايدى Almaty-akshamy.kz
ياعني، كەلەر جىلى كەز كەلگەن مەكەمە باسشىلارى، قۇرىلتايشىلار مەن جەكە كاسىپكەرلەر قازاقستاندا عانا ەمەس، شەتەلدە دە تىركەلگەن مۇلىگىن دەكلاراسيالاۋى كەرەك.
الدىمەن 250ء-شى "كىرىس دەكلاراسياسى" تاپسىرىلادى – بۇل "اكتيۆتەر مەن مىندەتتەمەلەر تۋرالى دەكلاراسيا".
كەيىنگى جىلدارى 270ء-شى "كىرىستەر مەن مۇلىك تۋرالى دەكلاراسيانى" تاپسىرۋ كەرەك.
كىرىس دەكلاراسياسىندا قۇنى 1000 ايلىق ەسەپتىك كورسەتكىشتەن اساتىن بارلىق مۇلىكتى كورسەتۋ قاجەت، دەپ جازادى qazaqstan.tv.
بيىل بۇل 3 450 000 تەڭگە بولسا، 2024 جىلى 3 692 000 تەڭگە بولادى.
ايتا كەتەتىن ءجايت، مەملەكەت بازاسىندا، قازاقستاندا تىركەلگەن جىلجىمايتىن مۇلىك پەن اۆتوكولىكتى – دەكلاراسياعا ەنگىزۋدىڭ قاجەتى جوق.