2023 جىلدىڭ 7 جەلتوقسانىندا ۇلتتىق ستاتيستيكا بيۋروسى قازاقستاندا قانداي كولىكتەر ءجيى جالعا بەرىلەتىنىن ايتتى، دەپ حابارلايدى اlmaty-akshamy.kz.
ۇلتتىق ستاتيستيكا بيۋروسىنىڭ Telegram-كانالىندا جاريالانعان اقپاراتقا سايكەس، اعىمداعى جىلدىڭ قاڭتار-قىركۇيەك ايلارىندا كولىكتى جالعا بەرۋ سالاسىندا كورسەتىلگەن قىزمەتتەردىڭ كولەمى وسكەنىن كورسەتتى.
"كولىك تۇرلەرىنىڭ ىشىندە جالعا بەرۋ قىزمەتىنىڭ ەڭ ۇلكەن كولەمى جۇك كولىكتەرىنە تيەسىلى. ءۇش توقساننىڭ قورىتىندىسى بويىنشا جۇك كولىكتەرىن جالعا بەرۋ كولەمى 73،9 ملرد تەڭگەنى قۇرادى، بۇل وتكەن جىلدىڭ سايكەس كەزەڭىنەن 47،7%-عا ارتىق"، - دەلىنگەن حابارلامادا.
جۇك كولىگىنەن كەيىن جەڭىل كولىكتەر، قۇرىلىس جانە اۋىل شارۋاشىلىعى كولىكتەرى بولدى:
- جەڭىل اۆتوكولىكتەردى جالعا بەرۋ كولەمى 69،8 ملرد تەڭگەگە جەتتى (+11،2%)؛
- قۇرىلىس ماشينالارى مەن جابدىقتارىن جالعا بەرۋ كولەمى 42،7 ملرد تەڭگەنى (+22%) قۇرادى؛
- اۋىل شارۋاشىلىعى ماشينالارى مەن جابدىقتارىن جالعا الۋ كولەمى – 2 ملرد تەڭگە (+69،5%).
2023 جىلدىڭ 10 قاراشاسىندا مەملەكەتتىك كىرىستەر كوميتەتى قازاقستانعا قانشا ەلەكتروموبيل باج سالىعى مەن سالىق تولەمەي اكەلىنگەنىن ايتتى.