«Almaty aqshamy» – «ۆەچەرنيي Almaty» باسىلىمدارى كۋبوگىنا ارنالعان جارىس ءوز مارەسىنە جەتتى.
«Almaty aqshamy» – «ۆەچەرنيي Almaty» ۇتىسى ءۇشىن فۋتبولدان اردارگەرلەر اراسىنداعى جارىس الدىڭعى جىلدىڭ قاراشا ايىندا باستالعان. 14 كوماندا قاتىسقان ءتۋرنيردىڭ جەڭىمپازى وتكەن جەكسەنبى كۇنى عانا بەلگىلى بولدى.
قازاقستاندىق فۋتبول ارداگەرى نۇرلان اتانتايەۆ جەتەكشىلىك ەتەتىن «مەديك» كومانداسى چەمپيون اتاندى. ونىڭ كومانداسىندا اتاقتى فۋتبولشى ءارى جاتتىقتىرۋشى ۆاحيد ماسۋدوۆ، سونداي-اق، ۆلاديمير نيكيتەنكو، تالعات نۇرجانوۆ، ليگا اقساقالدارىنىڭ ءبىرى اناتوليي تەن (ول 72 جاستا) جانە وزگە ويىنشىلار بولدى. شەشۋشى ويىندا ولارعا «قايسار»، «قايرات» جانە ق ر ۇلتتىق قۇراما ساپىندا ويناعان مارات ەسمۇراتوۆ جەتەكشىلىك ەتەتىن «قارشىعا»
كومانداسى قارسى وينادى. ءبىر قىزىعى، اتالمىش كوماندالار بۇعان دەيىنگى جارىستا دا كۋبوكتى ءوزارا ساراپقا سالعان بولاتىن (5:3 ەسەبىمەن «مەديك» كومانداسى جەڭگەن).
چەمپيون اتانۋ ءۇشىن «قارشىعا» كومانداسىنا تەك جەڭىس، ال «مەديك» ۇجىمىنا تەك تەڭ ناتيجە دە جەتكىلىكتى ەدى. ويىندا 3:2 ەسەبىمەن نۇرلان اتانتايەۆ كومانداسى باسىم ءتۇسىپ، «مەديك» بيىل دا تۋرنير جەڭىمپازى اتاندى. جارىس كەستەسىندە «سۇلتان قورعاندى» 9:0 ەسەبىمەن جەڭگەن «ارلان» ەكىنشى ورىنعا، ال جەڭىلىستەن كەيىن «قارشىعا» ءۇشىنشى ورىنعا جايعاستى.
جەڭىمپازداردى «Alataý اqparat» ج ش س باس ديرەكتورى تولەمىس كۇلمۇحامەدوۆ ماراپاتتاپ، كۋبوكتى تابىستادى.
«سىزدەر سپورت پەن سالاۋاتتى ءومىر سالتىنىڭ ناعىز ناسيحاتتاۋشىسىسىزدار. سىزدەردىڭ ويىندارىڭىزعا قاراپ، فۋتبول الاڭىنا جاستار ءۇيىرىلىپ، بالالار مەن نەمەرەلەرىڭىز كەلۋدە. بۇل باستاما اردارگەرلەر اراسىنداعى جاڭا جارىستاردىڭ اشىلۋىنا سەبەپشى بولاتىنىنا سەنەمىز. ءبىز ءوز تاراپىمىزدان مۇنداي يگى شارالاردى ءاردايىم قولداپ تۇرامىز. بۇل ءبىزدىڭ سوڭعى كەزدەسۋىمىز بولماۋىن تىلەيمىن»، – دەپ تولەمىس باقتىباي ۇلى مۇنداي جارىستاردىڭ
ماڭىزدىلىعىن اتاپ ءوتتى.
سونىمەن قاتار، فۋتبولعا دەگەن سۇيىسپەنشىلىگى ءۇشىن رەداكسيا اتىنان سىيلىقتار بەرىلدى. ماراپاتتى نۇرلان اتانتايەۆ («مەديك»)، ازات نىلدىبايەۆ جانە كارىم وسپانوۆ (ەكەۋى دە «اقپارات»)، قاينار سەيىلوۆ، سمايىلحان تاكەنوۆ («سۇلتان-قورعان»)، جامانباي قۋانىشيەۆ («ارداگەر»)، اناتوليي تەن («مەديك»)، عالىم ەرماحانوۆ جانە تۇرسىن قۇسايىنوۆ (ەكەۋى دە «اقپارات») يەلەندى.