شوب وكىلدەرىنەن تۇسكەن بارلىق وتىنىمدەر 100% قامتىلدى جانە قارالدى. بۇل تۋرالى وڭىرلىك كوممۋنيكاسيالار قىزمەتىنىڭ بريفينگىندە قالالىق كاسىپكەرلىك جانە ينۆەستيسيالار باسقارماسىنىڭ باسشىسى ەركەبۇلان ورازالين مالىمدەدى، دەپ حابارلايدى اlmaty-akshamy.kz
شاعىن جانە ورتا بيزنەسكە كەلتىرىلگەن زالالدى وتەۋ جونىندەگى وڭىرلىك كوميسسيا وتىنىشتەردى قىسقا مەرزىمدە قاراپ، مەملەكەتتىك قولداۋ كورسەتىپ، قالا ەكونوميكاسىن قالپىنا كەلتىرۋدى جەدەلدەتتى.
ەركەبۇلان ورازالين اتاپ وتكەندەي، Info Kazakhstan ەلەكتروندى پلاتفورماسىنا 1188 كاسىپكەردەن 1355 ءوتىنىم كەلىپ ءتۇستى.
وڭىرلىك كوميسسيا وتىرىسىنىڭ قورىتىندىسى بويىنشا جالپى سوماسى 5 286 ملن تەڭگە بولاتىن 1139 ءوتىنىم ماقۇلداندى، ونىڭ ىشىندە بيۋدجەت قاراجاتىنان 4 194 ملن تەڭگە سوماسىنا 595 ءوتىنىم، «جاڭا الاتاۋ» قورى قارجىسىنان 1 091 ملن تەڭگە سوماسىنا تاعى 544 ءوتىنىم بار.
«نەگىزىنەن ساۋدا جانە قىزمەت كورسەتۋ سەكتورى زارداپ شەكتى. وتىنىمدەردىڭ كوپشىلىگى ازىق-تۇلىكتىك ەمەس تاۋارلاردى، اياق كيىمدەردى، كيىمدەردى ساتۋمەن اينالىساتىن كاسىپكەرلەردەن، سونداي-اق تۇرمىستىق تەحنيكانى، زەرگەرلىك بۇيىمداردى ساتاتىن ساۋدا-ويىن-ساۋىق ورتالىعىنىڭ اۋماعىندا ورنالاسقان ايىرباستاۋ پۋنكتتەرى مەن دۇكەندەردىڭ يەلەرىنەن كەلىپ ءتۇستى»، - دەدى ە. ورازالين.
قالعان 216 ءوتىنىم پىسىقتاۋعا جىبەرىلدى (ويتكەنى 120-سى بويىنشا قۇجاتتاردىڭ تولىق ەمەس پاكەتى ۇسىنىلدى، 96-ى جەڭىلدەتىلگەن تەتىك اياسىندا تولەم سوماسى بويىنشا كەلىسپەۋگە بايلانىستى سوت ساراپتاماسىنا جىبەرىلدى).
زارداپ شەككەن بيزنەستى تولىق قامتۋ جانە قالا ەكونوميكاسىن تەزىرەك قالپىنا كەلتىرۋ ماقساتىندا كوميسسيا حاتشىلىعى قۇجاتتاردىڭ تولىق پاكەتىن ۇسىنۋ بويىنشا كومەك كورسەتۋ ءۇشىن Qoldaý كاسىپكەرلىك ورتالىعىنىڭ جانىنان كونسۋلتاسيالىق شتاب اشتى.
وتەماقى ءالى تولەنبەگەن زارداپ شەككەن كاسىپكەرلەر كەڭەس الۋ ءۇشىن جۇمىس كۇندەرى 9.00-دەن 18.00-گە دەيىن مىنا مەكەنجاي بويىنشا: الماتى قالاسى، بايزاقوۆ كوشەسى، 303، 101 كابينەتكە جۇگىنە الادى.
وڭىرلىك كوميسسيانىڭ كەلەسى وتىرىستارى 2022 جىلعى 12، 15 جانە 18 ناۋرىزعا جوسپارلانعان.
بريفينگكە الماتى قالاسى كاسىپكەرلەر پالاتاسىنىڭ ديرەكتورى ايتۋار قوشمامبەتوۆ قاتىسىپ، زارداپ شەككەن بيزنەستى قولداۋ ءۇشىن «كۇش – بىرلىكتە» قورى قۇرىلعانىن حابارلادى. كوميسسيا شەشىمىنەن كەيىن قور قاراجاتى وبەكتىلەرى تونالعان جانە بۇزىلعان الماتىدان جانە باسقا وڭىرلەردەن كەلگەن كاسىپكەرلەرگە بولىنەدى.