پاتشالىق بيلىگى ۆاكسينالانعان تۋريستەرگە قاتىستى ەلگە كىرۋ ەرەجەلەرىن وزگەرتتى.
رەسەيلىك «سپۋتنيك V» ۆاكسيناسىن سالدىرعاندار قاجىلىققا ساۋد ارابياسىنا بۇرىن قولدانىلعان قاتاڭ انتيكوۆيدتىك شەكتەۋلەرسىز كىرە الادى، دەپ حابارلايدى Almaty-akshamy.kz ريا نوۆوستي اگەنتتىگىنە سىلتەمە جاساپ.
اتاپ ايتقاندا، ۆاكسينالانعان تۋريستەر ءۇشىن پتر سىناقتارى مەن مىندەتتى كارانتين الىنىپ تاستالدى، سونداي-اق ەل ىشىندەگى كارانتيندىك شەكتەۋلەر جەڭىلدەتىلدى. «سپۋتنيك V» ۆاكسيناسى تۋرالى سەرتيفيكاتى بار تۋريستەرگە ەلدەن شىعۋ الدىندا پتر تەستىن نەمەسە ۇشۋ كەزىندە انتيگەن تەستىن تاپسىرۋدىڭ قاجەتى جوق، الايدا وقشاۋلاۋدى ساقتاۋ كەرەك.
ساۋد ارابياسىندا بەكىتىلگەن ونلاين-پلاتفورما ارقىلى ۆاكسينالاۋدى راستاۋدى ۇسىنۋ، كوروناۆيرۋستى ەمدەۋدىڭ كۇتپەگەن شىعىندارىن وتەۋ ءۇشىن ساقتاندىرۋ، سونداي-اق كەلگەننەن كەيىن سەگىز ساعات ىشىندە Tawakkalna قوسىمشاسىندا تىركەلۋ جەتكىلىكتى.
ۆاكسينالانباعان تۋريستەر ءوز ەسەبىنەن بەس كۇندىك كارانتيننەن ءوتۋى قاجەت.