الماتى اكىمدىگىنىڭ وكىلدەرى مارقۇم اسەل بەكمۇحامەتوۆانىڭ وتباسىمەن كەزدەستى.
وسى جازدا ورتتەن زارداپ شەككەن «اقكەنت» تۇرعىن ءۇي كەشەنىنىڭ №54 ۇيدەگى تۇرعىنداردىڭ باسپاناسىن ارالاۋ كەزىندە الاتاۋ اۋدانىنىڭ اكىمى ازامات قالدىبەكوۆ ءورت كەزىندە قازا تاپقان قىزدىڭ اتا-اناسىمەن سويلەستى. اسەلدىڭ اكەسى ونىڭ ۇلكەن قىزى ايجاننىڭ بانكتەە العان 3 ملن تەڭگە كولەمىندە تۇتىنۋشىلىق نەسيەسى بار ەكەنىن حابارلادى. ەستەرىڭىزگە سالا كەتەيىك، ايجان دا بالكوننان سەكىرىپ، كوپ جاراقات العان. قازىرگى ۋاقىتتا ول ەڭبەككە جارامسىز. قۇرىلىس سالۋشى «Ayt نousing Complex» ج ش س وتباسىنا قارجىلاي قولداۋ كورسەتۋگە، سونىمەن قاتار، قىزىن ەمدەۋگە 1 ملن تەڭگە بولۋگە ۋادە بەردى.
بۇعان دەيىن اسەلدىڭ وتباسىنا ماتەريالدىق كومەك كورسەتىپ، قۇرىلىس سالۋشى «اقكەنت» تۇك-نەن اۋدانى 77 ش.م. ءۇش بولمەلى پاتەر بەرگەن. سونىمەن قاتار، Ayt Housing Complex كومپانياسى مارقۇم قىزدىڭ اتا-اناسىنىڭ جالپى سوماسى 2 ملن 243 مىڭ تەڭگە نەسيەسىن وتەگەن. نەسيەنى وتەۋ قاجەتتىلىگى تۇرعىن ءۇيدى راسىمدەۋگە بايلانىستى ەدى. ءارى اۋداندىق اكىمدىكتىڭ قولداۋحاتىمەن قازاقستاندىق بانكتەردىڭ بىرىندە اسەلدىڭ 1 ملن 470 مىڭ تەڭگە مولشەرىندە قارىزى كەشىرىلدى.
اسەلدىڭ اقتىق ساپارىنا اۋدان اكىمدىگى 700 مىڭ تەڭگە كولەمىندە قارجى ءبولدى، «Ayt نousing Complex» ج ش س قاتىمىنا 1 ملن تەڭگە سوماسىندا قارجىلاي كومەك كورسەتتى.
قىزىل جالىن كەزىندە «اقكەنتتىڭ» تاعى ءبىر تۇرعىنى قۇراقبايەۆا زۋلفيانىڭ قىزى، ابىلاي حان اتىنداعى قازاق حالىقارالىق قاتىناستار جانە الەم تىلدەرى ۋنيۆەرسيتەتىنىڭ 2 كۋرس ستۋدەنتى زارداپ شەكتى. ءقازىر ول دا ەڭبەككە جارامسىز.
كەزدەسۋ بارىسىندا اۋدان اكىمىنەن زۋلفيا قىزىنىڭ وقۋىنا جىل سايىن 800 مىڭ تەڭگە تولەۋگە قول ۇشىن سوزۋدى سۇرادى. ازامات قالدىبەكوۆ بارلىق قاجەتتى كومەكتى كورسەتۋگە ۋادە بەرىپ، قىزدىڭ اناسىنىڭ العىسىنا بولەندى.
ايتا كەتەيىك، «اقكەنت» شاعىن اۋدانىندا 2023 جىلدىڭ تامىزىندا ءورت شىققان ەدى. 300-دەن استام تۇرعىن ەۆاكۋاسيالاندى. جوندەۋ جۇمىستارى ەكى ايعا سوزىلىپ، مەرزىمىندە اياقتالدى. 96 پاتەرلى ءۇيدى قالپىنا كەلتىرۋگە الماتى اكىمدىگىنىڭ قاراجاتىنان 168 ملن 400 مىڭ تەڭگە كولەمىندە قاراجات ءبولىندى. ونىڭ 68 ملن 400 مىڭ تەڭگەسى تۇرعىنداردى قونىستاندىرۋعا جانە قالپىنا كەلتىرۋ جۇمىستارىن جۇرگىزۋ كەزىندە جالدامالى پاتەرلەردى جالعا الۋعا، ال 100 ملن تەڭگە «بولاشاق S قۇرىلىس» ج ش س مەردىگەرلىك ۇيىمى جاساعان پاتەرلەردى كوسمەتيكالىق جوندەۋگە جۇمسالدى.
جوندەۋ جۇمىسى بارىسىندا 6 پاتەردەگى ەكى قاباتتى تەرەزەسى مەن 18 پاتەردىڭ ەسىگى اۋىستىرىلدى. ەۆاكۋاسيالاۋ كەزىندە سىنعان 4 پاتەردىڭ لودجياسىنداعى اينەكتەرى ورناتىلدى. ءارى ءورت كەزىندە قيراعان 80 پاتەردىڭ كىرەبەرىس ەسىگى جوندەلدى. ادامداردىڭ قاۋىپسىزدىگىن قامتاماسىز ەتەتىن عيماراتتىڭ ەۆاكۋاسيالىق جولدارى تەكسەرىلدى.
30 قىركۇيەك تامان № 54 ءۇيدىڭ تۇرعىندارى جوندەۋدەن كەيىنگى پاتەرلەرىنە ورالدى. اكىمدىك وكىلدەرى اتقارىلعان جۇمىستاردىڭ ساپاسىنا كوز جەتكىزۋ ءۇشىن تۇرعىندارمەن جەكە-جەكە كەزدەستى.
«جوندەۋ جۇمىستارى جاقسى جاسالعان، ءۇيىمىز جىلى، تازا. جاقىندا جىلۋ بەرىلدى. جوندەۋگە اتسالىسقانداردىڭ بارلىعىنا العىس ايتامىن»، - دەدى «اقكەنت» تۇك 2-قاباتتىڭ تۇرعىنى ءباتيما كوجەكبايەۆا. پاتەرىندەگى ەلەكتر كابەلى تولىعىمەن اۋىستىرىلىپ، قابىرعاعا بۇرىنعى تۇسقاعازدارعا ۇقساسى جابىستىرىلدى.
«بارلىق پاتەردە جاعىمسىز ءيىس بولدى. مۇندا وزونمەن تازارتۋ تەحنولوگياسى قولدانىلدى. بۇل ۇيدەگى ءورتتىڭ ءيىسىن كەتىرۋگە ارنالعان اۋانى بەلگىلى ءبىر دەڭگەيدە تازارتۋ. ءقازىر كۇيىكتىڭ ءيىسى كەتتى، تۇرعىندار ۇيلەرىنە كىردى، بارلىعى ءدانى ريزا»، - دەدى «بولاشاق S قۇرىلىس» ج ش س جوباسىنىڭ باسقارۋشىسى سەرگەي كوۆالوۆ.
جالپى ءۇي الاڭدارىنىڭ جاي-كۇيى ءۇشىن جاۋاپكەرشىلىكتى قۇرىلىس سالۋشى موينىنا الدى. ءۇيدى قالپىنا كەلتىرۋ ءۇشىن Ayt Housing Complex كومپانياسى 300 ملن تەڭگە ءبولدى.
«جالپى الاڭدارعا جوندەۋ جۇرگىزىلدى: كابەلدەر، شاحتالار، ەلەكتر پاننولار قالپىنا كەلتىرىلىپ، ليفت رەتتەلدى، ءورت دابىلى ورناتىلدى. اكىمدىك پاتەر ىشىندەگى جوندەۋ جۇمىستارىن جۇرگىزدى، ال ءبىز سىرتتاعى جۇمىستى قولعا الدىق»، - دەدى «اقكەنت» شاعىن اۋدانىندا ۇيلەردى سالعان قۇرىلىس سالۋشى Ayt Housing Complex قۇرىلىس كومپانياسىنىڭ باس ديرەكتورى قانات ەرالييەۆ.
تجد مالىمەتىنشە، اقكەنت شاعىن اۋدانىنداعى بارلىق 58 ۇيدەگى ءورت قاۋىپسىزدىگى تەكسەرىلىپ، 896 زاڭ بۇزۋشىلىق تىركەلدى. جاۋاپتى مەكەمە «AYT Facility Management» ج ش س 20 قاراشاعا دەيىن ونى جويۋ تۋرالى نۇسقاما الدى. قازىرگى كەزدە ءتيىستى جۇمىستار قولعا الىنعان.