بانك 2024 جىلعى 28 ماۋسىمنان باستاپ نومينالدى قۇنى 10 000 تەڭگەلىك جاڭا بانكنوتالاردىڭ اينالىمعا ەنگىزىلگەنىن ەسكە سالدى.
بۇل رەتتە، 10 000 تەڭگەلىك جاڭا بانكنوتالار جاپپاي اينالىمعا 2024 جىلدىڭ شامامەن قىركۇيەك ايىنان باستاپ تۇسە باستايدى. سەبەبى ەلىمىزدىڭ بارلىق وڭىرىنە جەتكىزۋ جانە جابدىقتاردى (بانكوماتتار، تەرمينالدار جانە باسقا دا كاسسالىق تەحنيكالار) بەيىمدەۋ بەلگىلى ءبىر ۋاقىتتى قاجەت ەتەدى.
جاڭا ديزاينداعى 10 000 تەڭگەلىك بانكنوتانىڭ قورعانىش ەلەمەنتتەرى تۋرالى:
بانكنوتادا رەلەفتى قالىپتاستىراتىن – ارنايى التىن ينتاگليو باسپا ءتاسىلى قولدانىلعان. قازاقستان رەسپۋبليكاسىنىڭ ەلتاڭباسى التىن مەتالل بوياۋدىڭ جوعارى بەدەرلى قاباتىمەن باسىلعان.
سۋرەت: nationalbank.kz
بانكنوتتىڭ بەتكى بەتىنىڭ شەتىندە شىعىڭقى، جوعارى رەلەفتى ەلەمەنتتەر بار. ولار قولمەن ۇستاعاندا جاقسى سەزىلەتىن – كورۋ قابىلەتى ناشار ادامدارعا ارنالعان بەلگى.
سۋرەت: nationalbank.kz
بانكنوتا بەتىندە ۇزىك-ۇزىك تۇرىندە شىعىپ تۇرعان ەكى ءتۇستى قورعانىش ءجىپ بار. ونى جارىققا توسىپ قاراعاندا ءبىر تۇتاس ءجىپ بولىپ انىق كورىنەدى. بانكنوتانىڭ كولبەۋ بۇرىشى وزگەرگەن كەزدە كوك جانە كۇلگىن تۇستەردىڭ ءوزارا ارەكەتتەسۋىنەن ديناميكالىق لۇپىلدەۋ اسەرى پايدا بولادى.
سۋرەت: nationalbank.kz
سونىمەن قاتار، بانكنوتانىڭ بەت جاعىندا "بارىس" ارتەفاكتىنىڭ كولەمدى بەينەسى تۇرىندەگى پاچ قورعانىش ەلەمەنتى ورنالاسقان. بانكنوتتى اۋدارىپ قاراعان كەزدە تاۋ شىڭىنىڭ جانە نومينالدىڭ سيفرلىق كەسكىنىنەن ويۋ-ورنەككە اۋىسۋ اسەرى جانە ساۋلەلەردىڭ جان-جاققا شاشىراعان ديناميكالىق اسەرى پايدا بولادى.
سۋرەت: nationalbank.kz
ءتۇسى وزگەرمەلى تەرەزە. تەرەزەدەگى وتپەلi جارىقتا تاۋ شىڭىنىڭ سۇلباسى التىن تۇستەن كوك تۇسكە وزگەرەدi.
سۋرەت: nationalbank.kz
بانكنوتانىڭ ەكىنشى بەتىندە "اۋزىندا گريفوندار بار بارىستىڭ باسى" ارتەفاكتىنىڭ كولەمدى بەينەسى تۇرىندە سپارك قورعانىش ەلەمەنتى ورنالاسقان. بانكنوتانىڭ كولبەۋ بۇرىشى وزگەرگەن كەزدە سپارك ءتۇسى التىننان نەفريت تۇسىنە وزگەرەدى.
سۋرەت: nationalbank.kz
جەكە كوركەمدىك ەلەمەنتتەر بانكنوتاعا التىن تۇستەس جىلتىراعى بار ارنايى – يريديسەنتتى بوياۋى باسىلعان.
سۋرەت: nationalbank.kz
جەرگىلىكتى سۋ بەلگىسى قورعانىش ەلەمەنتى – ەلەكتروتيپ. جارىق تۇسكەندە نومينال بەينەسىنەن تۇراتىن ەلەكتروتيپ بەلگىسى انىق كورىنەدى.
سۋرەت: nationalbank.kz
بۇعان دەيىن ۇلتتىق بانك 10 مىڭدىق كۋپيۋرانىڭ "ساق ءستيلى" جاڭا سەرياسىنداعى ەكىنشى بانكنوت ەكەنىن ناقتىلاعان بولاتىن. ول ءداستۇرلى قازاق ويۋ – ورنەگىنىڭ باستاۋشىسى بولىپ سانالاتىن جانە كوشپەندىلەردىڭ بىرەگەي مادەنيەتىنەن قازىرگى قازاقستانعا دەيىنگى ەل مۇراسىن بەينەلەيتىن "ساق ءستيلىنىڭ" ەلەمەنتتەرىنە نەگىزدەلگەن.