الماتىدا جىلۋ جەلىلەرىندەگى جوندەۋ جۇمىستارى كەزىندە ءسۇيىنباي داڭعىلىنىڭ بويىمەن كولىكتەردىڭ جۇرۋىنە ۋاقىتشا شەكتەۋ قويىلادى، دەپ حابارلايدى aqshamnews.kz.
الماتى قالاسى تۇركسىب اۋدانىنداعى ءسۇيىنباي داڭعىلىنىڭ بويىمەن 16 تامىز (جۇما) ساعات 23:00-دەن 19 تامىز (دۇيسەنبى) تاڭعى ساعات 06:00-گە دەيىن ەكى باعىتتا دا اۆتوكولىك قوزعالىسى جابىلادى.
ۋاقىتشا شەكتەۋلەر بەلگىلەنگەن كوشە بولىگىنىڭ جول بولىگىنىڭ استىنان وتەتىن ماگيسترالدىق قۇبىر ۋچاسكەسىن جاڭعىرتۋ جونىندەگى جوسپارلانعان جۇمىستاردىڭ قاۋىپسىزدىگىن قامتاماسىز ەتۋ ءۇشىن ەنگىزىلگەلى وتىر.
57 جىل بۇرىن (1967 جىلى) پايدالانۋعا بەرىلگەن، جالپى ۇزىندىعى شامامەن 0،7 كيلومەتردى قۇرايتىن جاڭعىرتىلاتىن جىلۋ ماگيسترالى جىلۋ ەنەرگياسىن جەرگىلىكتى قازاندىقتان مەگاپوليستىڭ سولتۇستىگىندەگى اتالعان سەكتوردا ورنالاسقان تۇرعىن ۇيلەر مەن باسقا دا عيماراتتارعا جەتكىزۋدى قامتاماسىز ەتەدى.
ۋاقىتشا قولايسىزدىقتارعا تۇسىنىستىكپەن قاراۋلارىڭىزدى جانە بۇل اۋماقتى اينالىپ ءوتۋ جولدارىن الدىن الا قاراستىرۋلارىڭىزدى سۇرايمىز.
ەستەرىڭىزگە سالا كەتەيىك، قوزعالىستى شەكتەۋگە قاتىستى بارلىق اقپارات Almaty.kz سايتىندا، @AlmatyJoly Telegram-ارناسىندا، اۋدان اكىمدىكتەرى مەن باسقارمالارىنىڭ الەۋمەتتىك جەلىلەرىندە، سونداي-اق «2GIS» جانە «ياندەكس كارتالارى» سەرۆيستەرىندە ورنالاستىرىلعان.
«الماتى جىلۋ جۇيەسى» ج ش س