قىركۇيەكتەن باستاپ موڭعول مەكتەپتەرىندەگى نەگىزگى شەت ءتىلى - اعىلشىن ءتىلى بولماق.
وزگەرىس 100 مەكتەپتە پيلوتتىق رەجيمدە باستالادى، دەپ حابارلايدى aqshamnews.kz
موڭعوليانىڭ جاڭا ءبىلىم ءمينيسترى پۋريەۆسۋرەنگيين نارانبايار جاڭا وقۋ جىلىنا دايىندىق جونىندەگى وتىرىستان كەيىن وسى جاڭالىقتى حابارلادى.
«ءۇشىنشى سىنىپتان باستاپ اعىلشىن ءتىلىن نەگىزگى شەت ءتىلى رەتىندە وقىتۋ باستاماسى وسى وقۋ جىلىندا 100 مەكتەپتە پيلوتتىق رەجيمدە باستالادى. Pearson English باعدارلاماسى بويىنشا ارالاس، بەتپە-بەت جانە ونلاين وقىتۋ وتەدى»، - دەدى ءبىلىم بەرۋ ۆەدومستۆوسىنىڭ باسشىسى.
Gazeta-N1 حابارلاعانداي، ول اعىلشىن ءتىلى مۇعالىمدەرى ماگيستر دارەجەسىن الۋ ءۇشىن شەتەلدە وقيتىنىن ايتتى.
بۇعان دەيىن فيليپپيندە موڭعول، اعىلشىن ءتىلى مۇعالىمدەرىن دايارلاۋ تۋرالى ەكى ەلدىڭ سىرتقى ىستەر مينيسترلەرى كەلىسكەن بولاتىن.
سونداي-اق، اقش مەملەكەتتىك حاتشىسى ەنتوني بلينكەن ۇلان-باتورعا ساپارى كەزىندە موڭعوليادا اعىلشىن ءتىلى ورتالىعىن قۇرۋ نيەتىن جاريالادى.
ەستەرىڭىزگە سالا كەتەيىك، سوسياليستىك كەزەڭدە موڭعوليادا نەگىزگى شەت ءتىلى جانە مەكتەپتەردە وقىتاتىن ءتىل ورىس ءتىلى بولدى.