تارازدا «جامبىل جىراۋ» كىتابىنىڭ تۇساۋكەسەر ءراسىمى ءوتتى
اتالعان ەڭبەككە جىر الىبىنىڭ باي مۇراسى ەنگەن، دەپ حابارلايدى Almaty-akshamy.kz
شاھاردا بۇگىن اقىن شىعارماشىلىعىن ارقاۋ ەتكەن حالىقارالىق كونفەرەنسيا ءوتتى. شاراعا ماناس ەلىنىڭ جىرشىلارى دا قاتىستى.
تاعىلىمى مول تانىمدىق كونفەرەنسيانىڭ اقىننىڭ كىندىك قانى تامعان اۋليەتا وڭىرىندە ءوتۋى تەگىن ەمەس. فورۋمعا قاتىسۋشىلار الدىمەن جامبىل جابايەۆتىڭ ەسكەرتكىشىنە گۇل شوقتارىن قويدى.
ودان كەيىن كونە-تاراز تاريحي-ەتنومادەني كەشەنىندە پوەزيا شەبەرى ومىرىنەن سىر شەرتەتىن قۇندى جادىگەرلەرمەن تانىستى. وتاندىق زيالى قاۋىم وكىلدەرى قوس ءداۋىر كۋاگەرى بولعان زاڭعار اقىننىڭ اشىلماعان سان قىرى بار ەكەنىن جارىسا ايتىپ جاتتى.