Facebook الەۋمەتتىك جەلىسىندە الاياقتاردىڭ ارەكەتىنەن زارداپ شەككەندەرگە كومەك كورسەتىلەتىنى تۋرالى جارناما جاريالاندى.
قارجىنى 36 ساعاتتىڭ ىشىندە زاڭدى تۇردە قايتارۋعا بولادى ەكەن. بۇل جالعان زاڭگەرلەردىڭ بۇرىننان قالىپتاسقان سحەماسى، دەپ ەسكەرتەدى aqshamnews.kz Stopfake.kz-كە سىلتەمە جاساپ.
الاياقتار ادامداردى الداۋ ءۇشىن جارنامادا تانىمال ادامداردىڭ سۋرەتتەرى مەن ۆيدەولارىن پايدالانادى.
بۇل جولى حابارلامادا «24kz» تەلەارناسىنىڭ «پو زاكونۋ» باعدارلاماسىنىڭ سكرينشوتى قولدانىلعان. بۇل باعدارلامادا وزەكتى ماسەلەلەر قوزعالادى. جوبانىڭ اۆتورى – زاڭگەر، ق ر پارلامەنتى ءماجىلىسىنىڭ دەپۋتاتى، ەۋروپالىق قۇقىق جانە ادام قۇقىقتارى ساراپتامالىق ينستيتۋتىنىڭ ديرەكتورى مارات باشيموۆ. الاياقتار 2 اي بۇرىن ەفيرگە شىققان باعدارلامادان سكرينشوت جاساعان. وندا مارات باشيموۆ جەكە ومىرگە قول سۇعىلماۋشىلىق تۋرالى ايتقان، باعدارلامادا الاياقتار مەن قاراجاتتى قايتارۋ تۋرالى ءسوز بولماعان.
سونداي-اق حابارلاندىرۋدا ITS (Investment Trade Solution) بيرجالىق اكتيۆتەر ساۋداسى بويىنشا ءىرى ونلاين-سەرۆيستىڭ لوگوسى پايدالانىلعان. بۇل وتىمدىلىك حابىندا كريپتوالاياقتار بايقالعان ەكەن. شىن مانىندە، ITS حالىقارالىق ينۆەستيسيالىق كومپانياسى جىل سايىن مۇقيات جانە تاۋەلسىز تەكسەرۋلەردەن وتەدى. ولاردىڭ قورىتىندىسى بويىنشا ول قارجى نارىعىنىڭ سەنىمدى جانە جاۋاپتى قاتىسۋشىلارىنىڭ ءبىرى بولىپ تانىلدى.
جارناما Ir-Company كومپانياسىنىڭ اتىنان تارالعان. ولاردىڭ سايتىندا زارداپ شەككەندەرگە ۇسىنىلاتىن ناقتى ءىس-قيمىلدار جوق. تەك ينتەرنەتتەن كەز كەلگەن ادام جۇكتەي الاتىن جالپى اقپارات، سۋرەتتەر مەن سەرتيفيكاتتار عانا بار. مىسالى، ايلين گەرحاردتتىڭ قۇجاتى.
زاڭگەر دەنساۋلىق ساقتاۋ سالاسىندا پاسيەنتتەردىڭ قۇقىقتارىن قورعاۋمەن اينالىسادى. دەمەك، ونىڭ دا الاياقتار ۇرلاعان قاراجاتتى قايتارۋعا ەشقانداي قاتىسى جوق.
2024 جىلدىڭ مامىر ايىندا Vklader.com پورتالى پايدالانۋشىنىڭ سۇراۋى بويىنشا Ir-company كومپانياسىن تەكسەرگەن. سايت قارجىلىق الاياقتارمەن اينالىسادى.
«ءبىز ءبىرىنشى رەت ەستىپ تۇرمىز. ەگەر الاياقتار يەمدەنگەن قارجىنى قايتارۋ تۋرالى ايتىپ جاتسا، وندا بۇل جالعان زاڭگەرلەر بولار»، – دەلىنگەن Vklader.com جاۋابىندا.
بۇل جارناما الاياقتاردىڭ زارداپ شەككەن قازاقستاندىقتاردى تاعى دا الداۋ ارەكەتى. سايتتارىندا سەنىمدى اقپارات جوق، اشىق كوزدەردەن الىنعان دەرەكتەر ۇسىنىلعان كومپانيالارعا سەنبەگەن ءجون.