اتىراۋدا جايىق وزەنىنە 3،5 ملن بەكىرە تۇقىمداس بالىق شاباعى جىبەرىلدى، دەپ حابارلايدى اlmaty-akshamy.kz قازاقپاراتقا سىلتەمە جاساپ.
بالىق شارۋاشىلىعى كوميتەتىنىڭ باسپا ءسوز قىزمەتىنەن ءمالىم ەتكەندەي، «جايىق-اتىراۋ» بەكىرە بالىق ءوسىرۋ زاۋىتىنىڭ ماماندارى جايىق وزەنىنە 3،5 ملن دانا بەكىرە تۇقىمداس بالىق تۇرلەرىنىڭ شاباعىن جىبەرگەن.
«بۇل جۇمىس بالىق رەسۋرستارىن مولايتۋ جونىندەگى مەملەكەتتىك تاپسىرىس شەڭبەرىندە بەكىرە تۇقىمداس بالىق تۇرلەرىنىڭ قورىن ساقتاۋ، قالپىنا كەلتىرۋ ماقساتىندا جىل سايىن جۇرگىزىلەدى. بەكىرە شاباقتارىن سۋ ايدىندارىنا جىبەرۋ جايىق-كاسپيي وبلىسارالىق باسسەيندىك بالىق شارۋاشىلىعى ينسپەكسياسى قىزمەتكەرلەرىنىڭ، جەرگىلىكتى اتقارۋشى ورگان، قوعامدىق جانە عىلىمي ۇيىمدار وكىلدەرىنىڭ قاتىسۋىمەن جۇزەگە اسىرىلدى. باعالى بەكىرە تۇقىمداسىنا جاتاتىن قورتپا، شوقىر، ورىس بەكىرەسى، سۇيرىك بالىقتارىنىڭ شاباعى زاۋىتتا جاساندى تۇردە ءوسىرىلدى»، - دەپ حابارلادى كوميتەتتىڭ باسپا ءسوز قىزمەتى.
جىل سايىن جايىق وزەنىنىڭ ۇيىقتىق ۋچاسكەلەرىندە بەكىرە تۇقىمداس بالىق تۇرلەرىنىڭ اتالىعى مەن انالىعى اۋلانادى. ودان ءارى ينكۋباسيالاۋ ءۇشىن بالىقتان ءتىرى كۇيىندە ۋىلدىرىق پەن شوعال الىنادى.