پسيحولوگ جاياۋ ءجۇرۋدىڭ قانداي پايداسى بار ەكەنىن ايتتى
ءجۇرۋ ادام اعزاسىنا شىعارماشىلىق پەن لوگيكا اراسىنداعى تەپە-تەڭدىكتى تابۋعا كومەكتەسەدى. ماماننىڭ ايتۋىنشا، ول ءۇشىن كۇنىنە 30 مينۋتتان سەرۋەندەۋ كەرەك. سونىمەن قاتار، بىرنەشە شارتتى ورىنداۋ قاجەت، دەپ حابارلايدى Almaty-akshamy.kz رەن-تۆ سايتىنا سىلتەمە جاساپ.
«جاياۋ جۇرگەن كەزدە دەنەنىڭ بارلىق بۇلشىق ەتتەرى نىعايا تۇسەدى، بۇلشىق ەتتەردىڭ بارلىق توپتارى جۇمىس ىستەيدى. جاياۋ ءجۇرۋ كەزىندە جارتى شارلار بايلانىسىنىڭ تەڭەلەتىنى بايقالادى، ياعني وڭ جانە سول جارتى شارلار وتە دۇرىس بالانسقا تۇسەدى جانە شىعارماشىلىق جارتى شار مەن كونسترۋكتيۆتى ويلاۋ، لوگيكا مەن شىعارماشىلىق اراسىنداعى بايلانىس ءدال وسىنداي جاقسى دەڭگەيدە بولادى»، - دەدى ۆاششەنكوۆا.
پسيحولوگ جاياۋ جۇرگەن كەزدە قۇلاقتى جاپپاۋ كەرەكتىگىن ناقتىلادى. ياعني سەرۋەندەگەن كەزدە مۋزىكا نەمەسە اۋديوكىتاپ تىڭداۋدى كەيىنگە قويا تۇرعان ءجون. سونىمەن قاتار، سويلەسپەگەن دە دۇرىس. ەڭ جاقسىسى، جاياۋ جۇرگەن كەزدە العا، ياعني كوكجيەككە قاراۋ كەرەك.
«ءسىز ميدىڭ وتە جاقسى ايماقتارىن، ەجەلگى قابىقتى بەلسەندى ەتە تۇسەسىز. شىن مانىندە، ەجەلگى ادام تەك العا ۇمىتىلىپ، كوكجيەك سىزىعىنا قاراعان. ول العا ۇمتىلعان كەزدە، ءوزىن ءقاۋىپسىز سەزىنەدى جانە ونىڭ رەسۋرسى بار. ياعني، ول وسىلاي العا قاراي ۇمتىلادى، العا باسادى. ءسوزدىڭ جاقسى ماعىناسىندا ادام كۇشتى ءارى تىنىش جاعدايعا تاپ بولادى»، - دەپ قورىتىندىلادى ساراپشى.