قاڭتار وقيعاسى.
كولىك پوليسەيلەرى قاڭتار وقيعاسى كەزىندە الماتىدا پوليسيا عيماراتىنا شابۋىل جاساعانداردىڭ ءبىرىن ۇستادى، دەپ حابارلايدى Almaty-akshamy.kz قازاقپاراتقا سىلتەمە جاساپ.
ق ر ءىىم كولىكتەگى پوليسيا دەپارتامەنتىنىڭ باستىعى وڭال بەكەيەۆتىڭ ءمالىم ەتكەنىندەي، الماتى قالاسىندا تۇراتىن جامبىل وبلىسىنىڭ 24 جاستاعى تۋماسى قولعا ءتۇستى.
ونى الماتى قالاسىنىڭ اۋەجايىندا قاڭتار ايىنداعى وقيعالار كەزىندە جاسالعان قىلمىستاردى تەرگەۋمەن اينالىساتىن كولىكتەگى پوليسيا دەپارتامەنتىنىڭ جەدەل تەرگەۋ توبى بەينەباقىلاۋ كامەرالارىنىڭ جازبالارىن زەرتتەۋ ناتيجەسىندە انىقتادى.
«كۇدىكتىنىڭ 5 قاڭتاردا تارتىپسىزدىكتەرگە قاتىسۋشىلارمەن بىرگە قارۋ-جاراق دۇكەنىنەن قارۋ ۇرلاپ، الماتى قالاسىنىڭ اۋەاجايىنا قارۋلى شابۋىل جاساعاندىعى بەلگىلى بولدى. سودان كەيىن سىبايلاستارىمەن بىرگە الماتى قالاسى پوليسيا دەپارتامەنتىنىڭ عيماراتىنا بارىپ، عيماراتتى تاڭعى ساعات 6-عا دەيىن قورشاۋدا ۇستاۋعا قاتىسقان»، دەدى پوليسيا گەنەرال-مايورى.
بۇدان سوڭ ول ۇرلانعان قارۋدى بەلگىسىز بىرەۋگە ساتىپ جىبەرگەن.
«ءقازىر كۇدىكتىگە قاتىستى كۇزەتپەن ۇستاۋ تۇرىندەگى بۇلتارتپاۋ شاراسى سانكسيالاندى. تەرگەۋ امالدارى جۇرگىزىلۋدە»، دەدى وڭال بەكەيەۆ.
