"كوكجيەك" شاعىناۋدانى تۇرعىندارىن تولعاندىرعان ماسەلە ءوز شەشىمىن تابادى. شاعىناۋدان تۇرعىندارىنىڭ وتىنىشتەرى بويىنشا پارك ايماعىن اباتتاندىرۋ جانە ەسەنتاي وزەنىنىڭ بويىنداعى چەرنوۆيسكايا كوشەسىندەگى جاعالاۋ ايماعىن جالعاستىرۋ جۇمىستارى جۇرگىزىلۋدە. كونكۋرستى وسى جىلدىڭ ماۋسىم ايىندا جاريالاۋ جوسپارلانۋدا، دەپ حابارلايدى Almaty-akshamy.kz.
جۇمىستار وسى جىلدىڭ III توقسانىندا باستالادى.
جىل سوڭىنا دەيىن "كەمەل" شاعىناۋدانىنداعى سكۆەر، "كوكمايسا" شاعىناۋدانىنداعى ەسەنتاي وزەنى ارناسىنىڭ جاعالاۋى اباتتاندىرىلادى.
- توتەنشە جاعداي شەڭبەرىندە اۋداندا ۇنەمى سۋ باساتىن 7 ۋچاسكە انىقتالعان بولاتىن، ونىڭ 6-دا جۇمىستار اياقتالدى. سوڭعى ۋچاستوك – ۋسسۋرييسكايا كوشەسىنىڭ بويىمەن ەكىنشى تەمىرجول ۆوكزالى مەن باۋم توعايىنا دەيىنگى ارالىقتا سۋ بۇرۋ كانالىنىڭ قۇرىلىسى وسى جىلدىڭ 15 ماۋسىمىنا دەيىن اياقتالادى. سونداي-اق بيىلعى جىلدىڭ قاڭتارىنان باستاپ 27 كوشەدە 26،5 شاقىرىم ارىق جەلىسىن رەكونسترۋكسيالاۋ جانە سالۋ جۇمىستارى جۇرگىزىلۋدە. جۇمىستار 2024 جىلدىڭ Iءىى توقسانىنا دەيىن تولىعىمەن اياقتالادى، - دەدى الماتى قالاسىنىڭ اكىمى جەتىسۋ اۋدانى تۇرعىندارىمەن كەزدەسۋىندە.