ۇقك شەكارا قىزمەتى قىزمەتتىك يتتەرگە ارنالعان جەم-شوپ ساتىپ الۋعا ققس-تى ەسەپتەمەگەندە 3 ميلليارد تەڭگە بولگەن، دەپ حابارلايدى aqshamnews.kz
ءارقايسىسى شامامەن 1 ميلليارد تەڭگەدەن تۇراتىن ءۇش مەملەكەتتىك ساتىپ الۋعا Protenge Telegram-ارناسى نازار اۋدارعان. ارنا مەملەكەتتىك پورتالداعى سكرينشوتتاردى دالەل رەتىندە كەلتىردى.
- شىنىن ايتساق، مۇنداي شىعىنعا نە دەرىمىزدى دە بىلمەي وتىرمىز: ماقتانۋ كەرەك پە، تاڭدانۋ كەرەك پە، الدە الاڭدايتىن ۋاقىت كەلدى مە؟ كورسەتىلگەن سوماعا قاراساق، يتتەردى ەليتالىق جەممەن تاماقتاندىرۋى ءتيىس. قىزمەتىن ەسكەرسەك تۇسىنۋگە بولادى. ءبىراق شەكاراشىلاردا ناقتى قانشا يت بار جانە قۇرعاق جەمگە 3 ميلليارد تەڭگە جۇمساۋ قانشالىقتى ورىندى؟، دەپ يرونيامەن جازادى Protenge.
ۇقك شەكارا قىزمەتىنىڭ ساتىپ الۋلارىنىڭ ناقتى كولەمى مەن تيىمدىلىگىن باعالاۋ ازىرگە مۇمكىن ەمەس. سەبەبى تەحنيكالىق تاپسىرمالار مەن جەتكىزۋ كولەمى اشىق قولجەتىمدى دەرەككوزدەردە جاريالانباعان.
كوميتەت جابىق قۇرىلىم سانالعاندىقتان، بۇل اقپاراتتاردىڭ بارلىعى قۇپيالىلىق تالاپتارىنا جاتادى.
Protenge دەرەگىنشە، ناقتى شىعىن كولەمى كورسەتىلگەن سومادان از بولۋى ىقتيمال. سەبەبى بايقاۋلارعا 127 الەۋەتتى جەتكىزۋشى قاتىسۋعا نيەت بىلدىرگەن.
الايدا كەلىسىمشارتتاردىڭ سوڭعى باعاسى مەن ناقتى ساتىپ الىنعان كولەمدى اشىق دەرەكتەر ارقىلى تەكسەرۋ مۇمكىن ەمەس.