سەردجو ماتتارەللا قاسىم-جومارت توقايەۆقا يتاليانىڭ ەڭ جوعارى ناگراداسى – «يتاليا رەسپۋبليكاسىنا سىڭىرگەن ەڭبەگى ءۇشىن» وردەنىن تاپسىردى، دەپ حابارلايدى aqshamnews.kz
– ەلىمىزدىڭ بۇل جوعارى ناگراداسى يتاليامەن دوستىق قاتىناستى نىعايتۋعا ۇلەس قوسقان مەملەكەتتەر باسشىلارىنا عانا بەرىلەدى. ءسىزدىڭ الەمدىك ءتارتىپتى قامتاماسىز ەتۋگە جانە بەيبىتشىلىكتى قولداۋعا باعىتتالعان قىزمەتىڭىزدى جوعارى باعالايمىز. سونداي-اق يتاليا مەن قازاقستان اراسىنداعى ىنتىماقتاستىقتى دامىتۋعا ۇدايى اتسالىسىپ كەلە جاتقانىڭىز ءۇشىن ريزاشىلىق بىلدىرەمىز. سىزگە تابىستالىپ وتىرعان بۇل ماراپات ءبىزدىڭ رەسپۋبليكامىزعا سىڭىرگەن ەڭبەگىڭىزدىڭ باعاسى، – دەدى يتاليا پرەزيدەنتى.
قاسىم-جومارت توقايەۆ سەردجو ماتتارەللانىڭ قولىنان يتاليانىڭ جوعارى مەملەكەتتىك ناگراداسىن الۋ زور مارتەبە ەكەنىن جەتكىزىپ، العىس ايتتى.